Thursday, October 13, 2011

സ്വയംഭോഗം-ഫത്‌വ പോസ്റ്റ്മോര്‍ട്ടം

ഭാഗം-01 സ്വയം ഭോഗം ഫത്‌വ അൻസാറിനു മറുപടി ഇവിടെ വായിക്കാം

അൻസാർ തുടങ്ങി വെച്ച ഈ വിവാദത്തിൽ സംവാദകൻ ഇടപെട്ടത് ഒരു തിന്മക്കു ലഭിക്കുന്ന പ്രോത്സാഹനം ഇല്ലാതാക്കാനും സത്യ വിശ്വാസിയും സന്മാർഗജീവിതം നയിക്കാനാഗ്രഹിക്കുന്നവനുമായ മനുഷ്യൻ നില കൊള്ളേണ്ട മാർഗം ഏതാണെന്ന് ചുരുങ്ങിയ രൂപത്തിൽ ഗുണ കാംക്ഷാപരമായിചൂണ്ടിക്കാണിക്കാനുമായിരുന്നു.അത് സന്മാർഗനിഷ്ഠയിൽ ജീവിക്കാൻ താല്പര്യമുള്ളവർക്ക് പ്രയോചനമായി എന്ന് പല കമന്റുകളിൽ നിന്നും മനസ്സിലാക്കാനായതിൽ ആദ്യമായി അള്ളാഹുവെ സ്തുദിക്കുന്നു അൽഹംദുലില്ലാഹ്. ഈ വിഷയം തുടങ്ങിവെച്ച ബ്ലോഗുകാരൻ പ്രതികരിച്ചില്ലെന്നത് വലിയ കൃത്യവിലോപമായി കാണുകയും നിരുത്തരവാദപരമായോ അലക്ഷ്യമായോ ഇങ്ങനെ തർക്കങ്ങൾ വലിച്ചിട്ട് ഒന്നുമറിയാത്തവരെ വട്ടം കറക്കുന്നത് ശരിയല്ലെന്ന നിരീക്ഷണം അത്തരക്കാരോട് ഒരു പ്രതിഷേധമായി അറിയിക്കുകയും ചെയ്യുന്നു.

ഇവിടെ നടന്ന ചർച്ച എല്ലാവരും വായിച്ചതാണല്ലോ! ഒരു ചെറിയ അവലോകനവും ആവശ്യമായ ചില പ്രതികരണങ്ങളും നടത്തിക്കൊണ്ട് ഇത് വരെ നടന്ന ചർച്ചക്ക് തൽക്കാലം വിരാമം കുറിക്കുകയാണ്.

പാറക്കണ്ടിയായിരുന്നു അൻസാറിന്റെ ചിന്താഗതിക്ക് ശക്തമായ പിന്തുണയുമായി വന്നിരുന്നത്. വിശുദ്ധ ഖുർആനിന്റെയും ഇമാം ശാഫി ഈ(റ) നെ പോലുള്ള മുൻകാല ഇസ്ലാമിക പണ്ഡിതരുടെയും പ്രസ്താവനകൾക്ക് മുന്നിൽ തന്റെ ദുർന്യായം വിലപ്പോവില്ലെന്ന് അദ്ദേഹത്തിനു ബോധ്യമായത് കൊണ്ടാവാം അദ്ദേഹം പിന്നീട് ഈ വഴി വന്നില്ല.(അദ്ദേഹത്തിനു അത് ബോദ്ധ്യമായെങ്കിൽ നാം സന്തോഷിക്കുന്നു)


പിന്നീട് പുര കത്തുമ്പോൾ വാഴ വെട്ടാനായി 'മുക്കുവൻ' ഒരു ശ്രമം നടത്തി. അടിമയെ പീഢിപ്പിക്കുന്ന ദൈവവും അനുയായിയും എന്നായിരുന്നു അദ്ദേഹം നിരീക്ഷിച്ചത് . പ്രചാരകൻ അദ്ദേഹത്തിനു ആവശ്യമുള്ള മരുന്ന് നൽകിയ സ്ഥിതിക്ക് വീണ്ടും സംവാദകൻ അത് പറയേണ്ടതില്ലല്ലോ!

പിന്നീട് സൈബർ സഞ്ചാരി യുടെ ഒരു കമന്റ് കണ്ടു. അതേ വേഗത്തിൽ അദ്ദേഹം അത് പിൻവലിക്കുകയും ചെയ്തു. (ആ കമന്റ് മുന്‍പോസ്റ്റില്‍ താഴെ ചേര്‍ത്തിട്ടുണ്ട് ) എന്നാലും അത് കണ്ടവർക്ക് വല്ല അനാവശ്യ തോന്നലും വരാതിരിക്കാനായി ഒന്നു രണ്ട് വാക്ക്!

എല്ലാവരും സ്വയം ഭോഗം ചെയ്തവരാണെന്ന് വരുത്താനാണ് സൈബർ സഞ്ചാരി ആദ്യമായി ശ്രമിക്കുന്നത്

Note : നീല കളര്‍ ബോള്‍ഡില്‍ കൊടുത്തിട്ടുള്ളത് സൈബര്‍ സഞ്ചാരിയുടെയും സലീമിന്റെയും കമന്റുകളില്‍ നിന്നുള്ളതാണ്‌. ചുവപ്പ് അന്‍‌സാറിന്റെ പോസ്റ്റില്‍ നിന്നുള്ളതും

സൈബര്‍ സഞ്ചാരി എഴുതി

>>ജീവിതത്തില്‍ ഒരിക്കല്‍ പോലും സ്വയഭോഗം ചെയ്തിട്ടില്ലെന്ന് പറയുന്നവന്‍ ഏറ്റവും വലിയ കള്ളനും കപടനുമാണെന്ന് ആര്‍ക്കും ധൈര്യസമേതം തന്നെ പറയാവുന്നതാണ്‌.കാരണം ജീവിതത്തിന്‍റെ ഒരു ഘട്ടത്തിലെങ്കിലും അതിന് ശക്തമായ സ്വാധീനം എല്ലാവരിലും ഉണ്ടാകും <<



മറുപടി:



വല്ലാത്ത ധൈര്യം തന്നെ…..ആരെങ്കിലും സ്വയം ഭോഗം ചെയ്യുന്നുണ്ടോ എന്ന കണക്കെടുപ്പിന് സംവാദകൻ പൊസ്റ്റിട്ടിട്ടില്ലെന്ന് ആദ്യമേ അറിയിക്കട്ടെ.ചെയ്യുന്നവരുടെ എണ്ണം നോക്കി തിന്മയെ നന്മയാക്കുന്ന രീതി ഇസ്ലാമികമല്ലെന്നുണർത്തുകയും ചെയ്യട്ടെ.

>>സ്വയഭോഗം അന്നും ഇന്നും ഉണ്ട്,എന്നും ഉണ്ടാവുകയും ചെയ്യും.സ്വയ ഭോഗം ചെയ്തിട്ടുള്ളവര്‍ അത് തെറ്റാണെന്ന കുറ്റബോധത്തോടെയാണ്‌ ചെയ്തിട്ടുണ്ടാവുക.<<



തെറ്റാണെന്ന കുറ്റബോധമുള്ള വിശ്വാസി ആ തെറ്റ് ആവർത്തിക്കാതിരിക്കാൻ ശ്രദ്ധിക്കും അവനെ അതിനു പ്രേരിപ്പിക്കുന്നതിനു പകരം പണ്ട് മുതലേ നടക്കുന്നില്ലേ ..അത് സജീവമായി തുടരട്ടെ എന്ന് പറയുന്നതിലെ വിരോധാഭാസം സൈബർ സഞ്ചാരിക്ക് പിടികിട്ടുമെന്ന് തന്നെ സംവാദകൻ വിശ്വസിച്ചോട്ടേ…




>>പക്ഷെ,ഇപ്പോള്‍ ഈ പുള്ളി അത് തെറ്റല്ലെന്ന പ്രഖ്യാപനവുമായാണ് വരുന്നത്.അദ്ധേഹത്തെയും അദ്ദേഹത്തിന്‍റെ പ്രഖ്യാപനങ്ങളും അവഗണിക്കാവുന്നതാണ്.പക്ഷെ ആ ഹദീസുകളുടെ സത്യാവസ്ഥ എന്താണ്?<<

ഇത് പ്രസക്തമായ ചോദ്യം തന്നെയാണ്. അത് താഴെ വിശകലനം ചെയ്യുന്നുണ്ട് ഈ ഹദീസ് പറഞ്ഞയാളോട് അതിന്റെ അറബി മൂലം പല തവണ ആവശ്യപ്പെട്ടിട്ടും അദ്ദേഹമോ അദ്ദേഹത്തെ പിന്തുണച്ചവരോ അത് തന്നില്ലെന്നത് ചൂണ്ടിക്കാണിക്കുന്നതിൽ വിരോധമില്ലല്ലോ!

>> മാത്രമല്ല,ജീവിതത്തിന്‍റെ സമസ്ത തത്വങ്ങളും ഉൾക്കൊള്ളുന്ന ഇസ്ലാം(ഇപ്പറയുന്നത് എന്‍റെ വിശ്വാസമാണ് അല്ലാതെ എന്‍റെ ഇസ്ലാമിക ജ്ഞാനം കൊണ്ടല്ല) അന്നേ തന്നെയുണ്ടായിരുന്നതും എപ്പോഴും സംഭവിക്കാന്‍ സാധ്യതയുള്ളതുമായ സ്വയഭോഗത്തെ കുറിച്ച് ഒന്നും പറയാതെ വിട്ടത്‌ അത്ഭുതകരമാണ്.അതെ സമയം എല്ലാ സാഹചര്യങ്ങളും ഒത്തു വന്നാല്‍ മാത്രം സംഭവിക്കുന്ന വ്യാഭിചാരത്തിന് വ്യാക്തമായ വിധി നല്‍കിയിട്ടുമുണ്ട്<<


പാറക്കണ്ടിയോട് മുമ്പ് സംവാദകൻ പറഞ്ഞത് വായിച്ചാൽ ഈ നിരീക്ഷണം നടത്തില്ലായിരുന്നു സൈബർ സഞ്ചാരി. ഖുർആൻ സ്വയംഭോഗത്തെക്കുറിച്ച് പറഞ്ഞിട്ടുണ്ടെന്ന് പ്രമുഖരായ ഖുർആൻ വ്യാഖ്യാതാക്കളുടെ പ്രസ്താവനയോടെ മുകളിൽ പറഞ്ഞിട്ടുണ്ട് (പോസ്റ്റ് വായിക്കാതെയാണോ സഞ്ചാരി പ്രതികരിച്ചതെങ്കിൽ സോറി…താങ്കൾ പോസ്റ്റ് വായിക്കുമല്ലോ!)

>> വിഷയം വിശകലനം ചെയ്തു സത്യം കണ്ടെത്തുന്ന ചര്‍ച്ചാ രീതി രണ്ടാം തരമാണെന്ന് പറയുന്നതിലൂടെ സ്വയം അപ്രസക്തനായ ഒരാള്‍<<



അൻസാറിനെ സൈബർ സഞ്ചാരിക്കും മനസ്സിലാകുന്നുണ്ടെന്ന് മനസ്സിലാകുന്നതിൽ സന്തോഷമുണ്ട്,

>> വ്യക്തിപരമായ ദൌര്‍ബല്യങ്ങള്‍ സമുദായത്തെ കൊണ്ട് അംഗീകരിപ്പിക്കാന്‍ വേണ്ടിയാണെങ്കില്‍ പോലും അദ്ദേഹം തന്‍റെ വീക്ഷണങ്ങള്‍ അവതരിപ്പിക്കുന്നതും ഒന്നാം പ്രമാണത്തിന്‍റെ അഭാവത്തില്‍ രണ്ടാം പ്രമാണത്തിന്‍റെ പിന്‍ബലത്തോടെ തന്നെയാണ്.അദ്ദേഹം സ്വയഭോഗം തെറ്റെല്ലെന്ന് പറയുന്നത് ഇമാം അബ്‌ദുല്‍ റസാഖിന്‍റെ(ആരാണ് ഇമാം അബ്‌ദുല്‍ റസാഖ്‌...?.ഞാന്‍ കേട്ടിട്ടില്ല) ഗ്രന്ഥത്തിലെ ഹദീസുകള്‍ ഉദ്ധരിച്ചാണ്.സംവാദം ഒരു മത്സരമാണെങ്കില്‍ പ്രസ്തുത ഹദീസുകള്‍ മൂല പദത്തോടെ ഉദ്ധരിക്കാന്‍ ആവശ്യപെടാവുന്നതാണ്‌<<


അയാൾ വല്ലതും മനസ്സിലാക്കിയാണോ ഈ ചർച്ച നടത്തുന്നതെന്ന് അറിയാനും പറഞ്ഞ വിഷയം വസ്തു നിഷ്ഠമായി തെളിയിക്കണമെന്ന് പറയുന്നതും വെറും സംവാദമാകുന്നതെങ്ങനെ സഞ്ചാരീ!? ഈ രീതി സ്വീകരിക്കുന്നില്ലെങ്കിൽ ആർക്കും വന്ന് എന്തും വിളിച്ച് പറയാമെന്ന രീതി സാർവത്രികമാവുകയും ഇത്തരം അപകടകാരികളായ മുഫ്തിമാർ രംഗം വാഴുകയും ചെയ്യുമല്ലോ!അത് അംഗീകരിക്കാൻ എങ്ങനെയാണ് ഒരു സഞ്ചാരിക്ക് കഴുയുന്നത്!,

>>എന്നാല്‍ അന്‍സാര്‍ അലി ആ ഹദീസുകള്‍ ഉദ്ധരിച്ചത് കാരണം പലര്‍ക്കും ആശയകുഴപ്പം ഉണ്ടായ സാഹചര്യത്തില്‍ ആ ഹദീസുകളുടെ സത്യാവസ്ഥ അറിവുള്ളവര്‍ വിശദീകരിക്കണമെന്നാണ് പലരും ആഗ്രഹിക്കുന്നത്. <<

ഇത് സംവാദകൻ മുഖവിലക്കെടുക്കുന്നു,നമുക്ക് ശ്രമിക്കാം(ഇന്‍ശാ അല്ലാഹ്)

അൻസാർ ആദ്യമായി പറഞ്ഞ തെളിവ് ഇതായിരുന്നു

>>മുജാഹിദ്‌(റ) പറഞ്ഞു: "ഇബ്നുഉമര്‍(റ)നോട് സ്വയംഭോഗത്തെ പറ്റി ചോദിച്ചപ്പോള്‍ അദ്ദേഹംപറഞ്ഞു: "അത് നീ നിന്‍റെ മനസിനെ കബളിപ്പിക്കല്‍ മാത്രമാണ്." (അബ്ദുറസാക്ക്) <<

Answer

സ്വയം ഭോഗം മനസ്സിനെ കബളിപ്പിക്കലാണെന്ന് പറഞ്ഞപ്പോൾ ഇബ്നു ഉമർ(റ) ആപ്രവർത്തനത്തെ എതിർക്കുകയാണ് അംഗീകരിക്കുകയല്ല ചെയ്യുന്നത് .കബളിപ്പിക്കൽ പുണ്യമാണെന്ന് അൻസാറല്ലാതെ ആരെങ്കിലും പറയുമോ?അപ്പോൾ ഒന്നാമത്തെ തെളിവിന്റെ ബലഹീനത മനസിലായല്ലോ.അഥവാ സ്വയം ഭോഗം സ്വന്തം മന:സാക്ഷിയെ വഞ്ചിക്കുന്നു എന്നാണ് ഇതിലുള്ളത്.അതായത് വഞ്ചന ചെയ്യരുതെന്ന് ചുരുക്കം!എങ്ങനെയുണ്ട് തെളിവ്!

രണ്ടാമത്തെ തെളിവ്

>> ഇബ്നു ജുറൈജ്(റ) പറയുന്നു: "അത്വാഅ(റ) സ്വയംഭോഗം വെറുത്തിരുന്നു. ഞാന്‍ അദ്ദേഹത്തോട് ചോദിച്ചു: "അതിനെ പറ്റി വല്ല വിധിവിലക്കുകളും ഉണ്ടോ...? അദ്ദേഹം പറഞ്ഞു: "ഞാനൊന്നും കേട്ടിട്ടില്ല" (അബ്ദുറസാക്ക്) <<

സ്വയം ഭോഗം വെറുത്തിരുന്നു എന്ന് പറയുന്നതാണോ ഇതിനെ ന്യായീകരിക്കാൻ തെളിവ് എന്ന് ഒന്ന് ചിന്തിച്ചു നോക്കൂ.വെറുത്തിരുന്നു എന്നാൽ അത് ചെയ്യരുതെന്നല്ലേ സഹോദരാ അർത്ഥം?വിപരീതം പറയൽ തെളിവാകില്ലെന്നെങ്കിലും അൻസാർ മന:സിലാക്കേണ്ടിയിരുന്നു

മറ്റൊരു തെളിവ് ഇതായിരുന്നു

>> അബൂയഹ് യ(റ) പറയുന്നു: "ഒരാള്‍ ഇബ്നു അബ്ബാസ്‌ (റ) നോട് ചോദിച്ചു: "ഞാന്‍ ശുക്ലം വരുന്നത് വരെ എന്‍റെ ലിംഗം ചലിപ്പിക്കാറുണ്ട്. അതില്‍ വല്ല തെറ്റുമുണ്ടോ...? അപ്പോള്‍ ഇബ്നു അബ്ബാസ്‌(റ) പറഞ്ഞു: "നിനക്ക് അതിനേക്കാള്‍ നല്ലത് ഒരു അടിമ സ്ത്രീയെ വിവാഹം ചെയ്യലാണ്. എന്നാല്‍ വ്യഭിചാരത്തെക്കാള്‍ നല്ലത് നിനക്ക് സ്വയംഭോഗം തന്നെ" (അബ്ദുറസാക്ക്) <<


ഇവിടെ നല്ലത് എന്ന പദം പാവം അൻസാറിനെ കുടുക്കിയതാണ്.വ്യഭിചാരം ഭയപ്പെട്ടയാൾക്ക് അടിമ സ്ത്രീയെ വിവാഹം ചെയ്യാം അത് ചെയ്തിട്ടെങ്കിലും സ്വയം ഭോഗത്തിൽ നിന്ന് രക്ഷപ്പെടുകയാണ് വേണ്ടത്(സ്വയം ഭോഗം ചെയ്യുകയല്ല) എന്നാൽ വ്യഭിചാരത്തേക്കാൾ ചെറിയ കുറ്റമാണ് സ്വയം ഭോഗം എന്നേ ഈ പറഞ്ഞതിലുള്ളൂ.അതിൽ ആർക്കും തർക്കവുമില്ല. കുറ്റങ്ങളിൽ വലിയതും ചെറിയതും ഉണ്ട്.വ്യഭിചാരത്തെ അപേക്ഷിച്ച് ഇത് ചെറുതാണെന്നേ ഇതിലുള്ളൂ.അൻസാറിന്റെ വാദവും ഈ തെളിവും തമ്മിൽ യാതൊരു ബന്ധവു,മില്ല.ഇത് ഈ അർത്ഥത്തിൽ മനസിലാക്കുന്നില്ലെങ്കിൽ അൻസാർ വ്യഭിചാരവും കുഴപ്പമില്ലെന്ന് ഇതിൽ നിന്ന് വിലയിരുത്തുമല്ലോ.കാരണം വ്യഭിചാരത്തേക്കാൾ നല്ലത് ഇതാണെന്നല്ലേ പറഞ്ഞത്!

അടുത്ത തെളിവ് ഇതാണ്

>>അബുശഅസാഅ(റ) സ്വയംഭോഗത്തെ പറ്റി പറഞ്ഞു: "ശുക്ലം നിന്‍റെ ശരീരത്തിലെ ഒരു ജലം മാത്രമാണ്. അതിനെ നീ ഒഴുക്കിക്കളയുക" (അബ്ദുറസാക്ക്) <<

ഈ നിരീക്ഷണം ശരിയല്ലെന്നാണ് മുമ്പ് നാം പറഞ്ഞ ഹദീസുകളിൽ നിന്ന് വ്യക്തമാക്കപ്പെട്ടത്(കൈയിനെ വിവാഹം ചെയ്തവൻ ശപിക്കപ്പെട്ടവനാണെന്ന് ഹദീസിൽ വന്നിട്ടുണ്ട് ആ ഹദീസ് ഇമാം ശാഫി ഈ (റ) കാണുകയും അത് അങ്ങനെ തന്നെ സ്ഥിരീകരിക്കുകയും ചെയ്തിട്ടുണ്ട്അപ്പോൾ ഇമാം ശാഫി ഈ(റ) ഇമാം മാലിക്(റ) എന്നിവരുടെയൊക്കെ നിരീക്ഷണത്തിനെതിരായ അപ്രസക്തമായ നിരീക്ഷണമാണിതെന്ന് വ്യക്തമാണ്.അതായത് ഈ വിഷയത്തിൽ ഒരു വിധിയായി ഈ നിരീക്ഷണത്തെ തെളിവാക്കാൻ പറ്റില്ല

അടുത്ത തെളിവ്

>> ഇബ്നു അബ്ബാസ്‌ (റ) പറഞ്ഞു: "സ്വയം ഭോഗം എന്നത് നീ നിന്‍റെ ലിംഗത്തെ അത് ശുക്ലം പുറപ്പെടുവിക്കുന്നത് വരെ ഇളക്കി ക്കൊണ്ടിരിക്കുക എന്നതല്ലാതെ മറ്റൊന്നുമല്ല. (അബ്ദുറസാക്ക്) <<


ഇബ്നു അബ്ബാസ്(റ)ന്റേതായി നേരത്തേ അൻസാർ തന്നെ കൊടുത്ത മറ്റൊരു പ്രസ്താവന നാം കണ്ടല്ലോ.അതും ഇതും തമ്മിൽ പൊരുത്തക്കുറവ് തോന്നുന്നില്ലേ അപ്പോൾ നേരത്തേ നാം പറഞ്ഞ ആ സാഹചര്യത്തിലേക്ക് ഇത് വെച്ചാൽ അൻസാറിന്റെ വാദം ഇത് കൊണ്ട് തെളിയിക്കാനാവില്ലെന്ന് വ്യക്തം!

അന്‍‌സാറിന്റെ അടുത്ത തെളിവ് ഇതാ

>> മുജാഹിദ്‌(റ) പറഞ്ഞു: "നബിശിഷ്യന്‍മാര്‍ സദാചാരം സംരക്ഷിക്കാന്‍ യുവാക്കളോട് സ്വയംഭോഗം ചെയ്യാന്‍ ആവശ്യപ്പെട്ടിരുന്നു. ഇക്കാര്യത്തില്‍ സ്ത്രീയുടെ വിധി പുരുഷന്‍ന്‍റെത് തന്നെ" (അബ്ദുറസാക്ക്) <<



ഏറ്റവും വലിയ കുറ്റമായ വ്യഭിചാരത്തിൽ നിന്ന് രക്ഷപ്പെടാൻ അത്ര തന്നെ ഗൌരവമല്ലാത്ത ഈ കുറ്റം ചെയ്യാമെന്ന നിലപാടു ചില പണ്ഡിതർക്കുണ്ടെന്ന് തന്നെയാണ് ഇതിലും ഉള്ളത് പക്ഷെ ഇതിനേക്കാൾ പ്രബലമായ തെളിവാണ് ഇമാം ശാഫി ഈ(റ) പറഞ്ഞത്.അതിനാൽ ആ അഭിപ്രായത്തെയാണ് അംഗീകരിക്കേണ്ടത് .

മറ്റൊരു തെളിവ് ഇതായിരുന്നു

>>അമ്ര്ബ്നു ദീനാര്‍(റ) പറഞ്ഞു: "സ്വയംഭോഗം ചെയ്യുന്നത് കൊണ്ട് ഒരു കുഴപ്പവും ഞാന്‍ കാണുന്നില്ല" (അബ്ദുറസാക്ക്) <<

കുഴപ്പമുണ്ടെന്ന് തെളിയിക്കുന്ന തെളിവുകൾ ഖുർ ആനും സുന്നത്തും സ്ഥിരീകരിച്ചത് ഞാൻ നേരത്തേ പറഞ്ഞിട്ടുണ്ട്.അതിനെ വെല്ലാൻ ഈ പ്രസ്താവനക്കാവില്ല.ഇതിന്റെ സ്വീകാര്യത എത്രത്തോളമുണ്ടെന്നത് ഇത് തെളിവാക്കുന്നവർ പറയേണ്ടതുമുണ്ട്

ഇത്രയുമാണ് തെളിവുകൾ എന്ന പേരിൽ അൻസാർ സമർത്ഥിച്ചത് ഇതിൽ അദ്ദേഹത്തിന്റെ വാദമായ സ്വയം ഭോഗം ഒരു വിരോധവുമില്ല എന്നതിനു യാതൊരു തെളിവും ഇല്ലെന്ന് ഈ മറുപടിയിലൂടെ സത്യാന്വേഷികൾക്ക് ബോദ്ധ്യമായിരിക്കുമെന്ന് വിശ്വസിക്കുന്നു(ദുർവാശിക്കാർക്ക് ഈ മരുന്നു ഫലിക്കില്ലെന്നും സംവാദകനറിയാം)

ഇനി സഞ്ചാരിയിലേക്ക് വീണ്ടും ..സഞ്ചാരി പറയുന്നു

>> സ്വയഭോഗം ഹറാം ആണെന്ന വിധി ഇമാം ഷാഫി(റ) നിരദ്ധാരണം ചെയ്തെടുത്തത് 23:4-6 ആയത്തില്‍ നിന്നാണെന്നാണ്‌ സംവാദകന്‍ പറയുന്നത്.നാല് മദ്ഹബുകളുടെ ഇമാമുമാരെ സാധാരണക്കാര്‍ക്കും അറിയാവുന്നതാണ്.അത് കൊണ്ട് ഇവിടെയും ചില ചോദ്യങ്ങള്‍ ഉണ്ടാകുന്നുണ്ട്.<<



സാധാരണക്കാർക്ക് കൂടി അറിയാമെന്ന് താങ്കൾ തന്നെ പറഞ്ഞ ഇമാം ശാഫി ഈ(റ)യുടെ നിരീക്ഷണത്തെ പിന്തുണക്കൽ തന്നെയല്ലെ സഞ്ചാരിക്ക് പരിചയമില്ലാത്ത അബ്ദുറസാഖ് പറഞ്ഞതിലെ യാഥാർത്ഥ്യം തിരയാൻ നിൽക്കുന്നതിനേക്കാൾ സഞ്ചാരി ചെയ്യേണ്ടിയിരുന്നത്?(അബ്ദു റസാഖ്(റ) പറഞ്ഞതിൽ അൻസാറിന്റെ വാദം തെളിയിക്കാനുള്ള ഒന്നും ഇല്ലെന്ന് നേരത്തേ വിശദീകരിച്ചതിൽ നിന്ന് എല്ലാവർക്കും മന:സ്സിലാക്കാമല്ലോ) മന:സാക്ഷിയോട് സൈബർ സഞ്ചാരി ഈ ചോദ്യം എന്തായാലും ചോദിക്കണമെന്ന് സംവാദകനു ഒരു അപേക്ഷയുണ്ട്

>>1.സ്വയഭോഗത്തിന്‍റെ വിധി നാല് മദ്ഹബുകളിലും ഒരു പോലെയാണോ?.<<


അൻസാർ പറഞ്ഞ പോലെ സ്വയം ഭോഗം യാതൊരു കുഴപ്പവുമില്ല എന്ന് പറയാൻ പാടില്ലെന്ന വിഷയത്തിൽ നാല് മദ് ഹബിലും തർക്കമില്ല.വ്യഭിചാരത്തിൽ പെട്ട് പോകും സ്വയം ഭോഗം ചെയ്തില്ലെങ്കിൽ എന്ന് ഭയമുള്ളവർക്ക് ആ സാഹചര്യത്തിൽ (അപ്പോൾ മാത്രം) അതാവാം എന്ന് അഹ് മദ്ബിൻ ഹമ്പൽ(റ)ന്റെ ഒരു അഭിപ്രായമുണ്ട്. അപ്പോൾ സ്വയംഭോഗം സാർവത്രികമാക്കാമെന്ന് ഒരു ഇമാമും പറയുന്നില്ല.ആ സാഹചര്യത്തിലും ക്ഷമിക്കുകയാണ് വേണ്ടത് അതിനു അടിമപ്പെടുകയല്ല വേണ്ടത് എന്നാണ് ഭൂരിഭാഗം പണ്ഡിതന്മാരും പറഞ്ഞിട്ടുള്ളത്

>>2.ഭാര്യയെ തൊട്ടാല്‍ വുളു മുറിയുമോ ഇല്ലയോ എന്ന കാര്യത്തില്‍ ഷാഫി മദ്ഹബില്‍ തന്നെ രണ്ട് അഭിപ്രായം ഉള്ള പോലെ സ്വയഭോഗത്തിലും രണ്ട് അഭിപ്രായം ഉണ്ടോ?. <<

ഇതിൽ(ഭാര്യയെ തൊടുന്ന വിഷയത്തിൽ) രണ്ട് അഭിപ്രായമുണ്ടെന്ന് ആരാണ് താങ്കളോട് പറഞ്ഞത്? എന്തിനാണ് സഹോദരാ ഇങ്ങനെ ചികയുന്നത്?കുറ്റകരമെന്ന് പറയപ്പെട്ട ഒരു കാര്യം ചെയ്യാതിരിക്കാൻ ശ്രമിക്കലാണല്ലോ സത്യ വിശ്വാസി ചെയ്യേണ്ടത് പഴുതുണ്ടോ എന്ന് നോക്കി നടക്കൽ ഒരു ആത്മീയ നാശത്തിലേക്കെത്തിക്കുന്ന രോഗമാണ്. ജാഗ്രതൈ!

>>3.വ്യാഭിചാരത്തിന് ശരീഅത്ത് നിയമം(ഈ ലോകത്തെ നിയമം) ഉള്ളത് പോലെ സ്വയഭോഗത്തിനും ശരീഅത്ത് നിയമം ഉണ്ടോ?.അതായത്‌ ഒരാള്‍ താന്‍ സ്വയഭോഗം ചെയ്തുവെന്ന് സമ്മതിച്ചു ശരീഅത്ത് കോടതിയില്‍ എത്തിയാല്‍ അയാളെ ശിക്ഷിക്കാനുള്ള വകുപ്പ്‌ ഉണ്ടോ?. <<

ഇല്ല.(കൊല്ലുക.അടിക്കുക എന്നിങ്ങനെയുള്ള ശിക്ഷാവിധികൾ ഇല്ലാത്തതൊക്കെ ഹലാലാക്കല്ലേ പൊന്നു സഞ്ചാരി!)>>>>4.വ്യാഭിചാരത്തിന്‍റെ കാര്യത്തിലെന്ന പോലെ വിവാഹിതനും അവിവാഹിതനും വ്യാത്യസ്ത ശിക്ഷ തന്നെയാണോ സ്വയഭോഗത്തിനും ബാധകമാവുക?. <<<<<
മുകളിലെ ഉത്തരത്തോടെ ഈ ചോദ്യം വെറുതെയായി എന്ന് മനസിലാക്കുമല്ലോ..

പിന്നെ ഈ വഴിക്ക് വന്നത് സലീം എന്ന സഹോദരനാണ്.അദ്ദേഹത്തിനു ആവശ്യമായ പ്രധാന മറുപടികൾ പ്രചാകരകൻ നൽകിയത് ഓർക്കുമല്ലോ.



saleem എഴുതുന്നു

>>ആശ്രിതസ്ത്രീകള്‍ ( അന്നത്തെ കാലത്ത് അടിമസ്ത്രീകള്‍ , ഇന്ന് വീട്ടില്‍ സ്ഥിരമായിജോലിക്ക് നില്‍കുന്ന സ്ത്രീകളെ പോലെ )<<



ഇത് അബദ്ധമാണെന്ന് സലീം മനസ്സിലാക്കുമല്ലോ.ഇന്ന് സ്ഥിരമായി ജോലിക്ക് നിൽക്കുന്ന സ്ത്രീകളും അടിമ സ്ത്രീകളും ഒന്നല്ല.വ്യവസ്ഥാ‍പിതമായി ലഭിച്ച അടിമ സ്ത്രീകൾ യജമാനന്റെ സമ്പത്തായിരുന്നു.അവരുടെ അദ്ധ്വാനത്തിനു കൂലി നൽകേണ്ടതില്ലായിരുന്നു(അവരോട് മാന്യമായി വർത്തിക്കണമെന്നും നിങ്ങൾ കഴിക്കുന്ന ഭക്ഷണം അവർക്കും നൽകണമെന്നും ഇസ്ലാം കൽ‌പ്പിച്ചിരുന്നുവെന്ന് ഇവിടെ ഓർക്കുക)അതേ സമയം ഇന്ന് വീട്ടിൽ ജോലിക്ക് നിൽക്കുന്നവർക്ക് ശമ്പളം നൽകണം അവർ ഈ വീട്ടുകാരുടെ സമ്പത്തല്ല എന്ന് അറിയാത്തവരായി ആരും ഉണ്ടാവുമെന്ന് തോന്നുന്നില്ല എന്നിട്ടും സ്വയം ഭോഗം ന്യായീകരിക്കാൻ വന്ന സലീമിനു അത് തിരിയാതെ പോയോ?(പരിഹസിച്ചതല്ല നാം അറിയാതെ മതം പറയുമ്പോഴുണ്ടാകുന്ന മഹാ അപകടം കുറച്ച് ഗൌരവമായി ഉണർത്തിയതാണെന്ന് മനസ്സിലാക്കുമല്ലോ) സലീം മനസിലാക്കിയതനുസരിച്ച് വീട്ടിൽ ജോലിക്ക് നിൽക്കുന്ന സ്ത്രീകളെയും (അടിമ സ്ത്രീകളെ പോലെ ഉപയോഗിക്കാം എന്ന് സലീം ധരിച്ചിട്ടുണ്ടെങ്കിൽ അത് മഹാ പാപമാണെന്ന് തിരിച്ചറിയുമല്ലൊ!പീഢനത്തിനു അകത്താവുകയും ചെയ്യും)
എന്തങ്കിലും വായിച്ച് കുടുങ്ങാൻ -മറ്റുള്ളവരെ സംശയിപ്പിക്കാൻ-ശ്രമിക്കല്ലെ…പ്ലീസ്

>>മാത്രമല്ലെ പ്രായപൂത്തിയവുന്ന സമയത്ത് തന്നെ വിവാഹം നടന്നിരുന്നതായി കാണാം .ഇന്ന് സാഹചര്യം തികച്ചും വ്യത്യസ്തമാണ്,വിവാഹപ്രായം ഉയര്‍ന്നതാണ് (25-30) അത്രയും കാലം രതി എന്തെന്നറിയാതെ ലൈഗികത അടക്കിപ്പിടിച്ചു കഴിയുന്ന യുവാക്കള്‍ക്ക് സ്വയംഭോഗംത്തിനുള്ള അവസരം കൂടി നിഷേധിക്കപെട്ടാല്‍ ലൈഗികത തന്നെ മരവിച്ചു പോവുകയവും ഫലം. <<

ഈ പ്രായത്തിലേ കല്യാണം കഴിക്കാവൂ എന്നത് ഇസ്ലാമിക നിരീകഷണമല്ലല്ലൊ സഹോദരാ…ഇസ്ലാമിൽ വിവാഹത്തിലേക്ക് ആവശ്യമാവുന്നവർ ഭാര്യക്കുള്ള മഹ് റും ജീവിത ചിലവുകളും കൊടുക്കാൻ കഴിവുണ്ടെങ്കിൽ വിവാഹം കഴിക്കണമെന്ന് തന്നെയാണ് നിർദ്ദേശം .(30 വയസ്സായേ കെട്ടൂ എന്ന് പറയുന്നവർ അത് വരെ ക്ഷമിക്കുക/അല്ലെങ്കിൽ നോമ്പ് എടുക്കുക അതാണ് പ്രവാചകാധ്യാപനം അല്ലാതെ തോന്നുമ്പോലെ വല്ലതും ചെയ്ത് ലൈംഗീകത സജീവമാക്കൽ അല്ല) ചെരുപ്പിനൊപ്പിച്ച് കാല് മുറിക്കാൻ പറയുന്നത് ബുദ്ധിയല്ല.എന്നാൽ സലീമിനാവശ്യമായ മറുപടി പ്രചാരകനിൽ നിന്ന് കിട്ടിയ ശേഷം വീണ്ടും സലീം വന്ന് പറയുന്നതിങ്ങനെ….

>>നബി (സ) ഇസ്ലാമിനെ പൂര്‍ത്തീകരിച്ചു എന്ന് പറയുന്ന സമയത്ത് ഹലാലായിരുന്ന നാലുവിഭാഗം ലൈഗികബന്ധമാണ് ഞാന്‍ സൂചിപിച്ചത്. നബി(സ) ഹലാലാക്കിയതിനെ പില്‍ക്കലെത്തു ആരെങ്കിലും നോരോധിച്ചിട്ടുണ്ടോ? ആ നിരോധനം എല്ലാ കാലത്തും സാഹചര്യത്തിലും ബാധകമാക്കെണ്ടതുണ്ടോ? അക്കാര്യത്തില്‍ ഏകാഭിപ്രയമുണ്ടോ എന്നെല്ലാം വേറെ ചര്‍ച്ച<<


അപ്പോൾ ദീൻ പൂർത്തിയാവുമ്പോൾ നാല് വിഭാഗം ലൈംഗീക ബന്ധമേ അനുവദനീയമായിട്ടുണ്ടായിരുന്നുള്ളൂ എന്ന് താങ്കൾ സമ്മതിച്ച സ്ഥിതിക്ക് ഈ നാലിൽ സ്വയം ഭോഗം താങ്കൾ പറയുകയും ചെയ്തില്ല എന്ന് വരുമ്പോൾ താങ്കളുടെ പ്രസ്താവനയിൽ നിന്ന് തന്നെ സ്വയം ഭോഗം നബി(സ) ദീൻ പൂർത്തിയാക്കിയ കാലത്തില്ലായിരുന്നു എന്ന് വ്യക്തമാവുകയല്ലെ ചെയ്യുന്നത് സഹോദരാ…?എന്തിനാണ് സലീം ഇങ്ങനെ അസത്യം പറയുന്നത്.താങ്കൾ പറഞ്ഞ നാലിൽ ഒരു വിവാഹം മുത് അ:വിവാഹം അല്ലെ? അത് നബി(സ) തങ്ങൾ തന്നെ നിരോധിച്ചിട്ടുണ്ട്.

പിന്നെ നാലിൽ രണ്ടെണ്ണം അടിമ വ്യബസ്ഥയുടെ വക ഭേദങ്ങളായിരുന്നു.അപ്പോൾ ചുരുക്കം ഇങ്ങനെ മനസിലാക്കുക.മുത് അ: വിവാഹം ഇന്ന് പാടില്ല വ്യവസ്ഥാപിതമായ അടിമ വ്യവസ്ഥയും ഇല്ലാതായി.അപ്പോൾ സലീം പറഞ്ഞ പോലെ ഹലാലായ ലൈംഗീക ബന്ധത്തിനു ശരിയായ വിവാഹം മാത്രമേ വഴിയുള്ളൂ എന്ന് മനസിലാക്കുക.സ്വയം ഭോഗം നിരോധിച്ചിട്ടില്ലെന്ന താങ്കളുടെ നിരീക്ഷണത്തിന്റെ മറുപടി പോസ്റ്റിൽ തന്നെയുണ്ട് ഒന്ന് കണ്ണ് തുറന്ന് നോക്കുമല്ലോ!

നബി(സ) ഹലാലാക്കിയതിനെ ആരും ഹറാമാക്കിയിട്ടില്ല-ആക്കാൻ അധികാരവുമില്ല-പക്ഷെ നബി(സ) അനുവദിക്കാത്തത് അനുവദനീയമെന്ന് പറയുന്ന അഹങ്കാരമാണ് താങ്കളെ പോലുള്ളവർ ചെയ്യുന്നത് എന്ന് തിരിച്ചറിയുക അപ്പോൾ പ്രശ്നം തീരും

>>പരസ്യമായി അന്ഗീകരിക്കതെയും കുറ്റബോധത്തോടെയുമാണെങ്കിലും എല്ലാ പുരുഷന്മാരും ഒരു പ്രായത്തില്‍ സ്വയംഭോഗം ചെയ്തവരാണ്<<


കുറ്റ ബോധത്തോടെ ചെയ്തവനു അള്ളാഹുവോട് പാശ്ചാത്തപിച്ച് പരലോകം രക്ഷപ്പെടുത്താൻ അവസരമുണ്ട്.സലീമിനെ പോലുള്ള മുറിവൈദ്യന്മാരുടെ കാര്യം കട്ട പ്പൊക തന്നെയായിരിക്കുമെന്ന് ഓർക്കുക.പിന്നെ എല്ലാ പുരുഷന്മാരും ചെയ്തവരാണെന്നൊക്കെ പറയുന്നത് എത്ര ഗൌരവമുള്ള നുണയാണെന്ന് സലീം ചിന്തിച്ചിട്ടുണ്ടോ?ഇതൊരു തരം കാപട്യമാണ്.സത്യ വിശ്വാസികളിൽ അരുതായ്മകൾ വ്യാപകമാവാൻ ആഗ്രഹിക്കുന്നവരെക്കുറിച്ച് ഖുർ ആനിന്റെ നിരീക്ഷണം ഇങ്ങനെയാണ് എന്ന് അറിയിക്കുന്നു.എല്ലാവരും ചെയ്താൽ ഒരു കാര്യം അനുവദനീയമാകുമെന്ന് സലീം ധരിച്ചിട്ടുണ്ടെങ്കിൽ അത് ഇസ്ലാമിന്റെ ചിലവിൽ വേണ്ടാട്ടോ….എല്ലാവരും ചെയ്യലല്ല ഒരു കാര്യം അനുവദനീയമാവുന്നതിന്റെ മാനദണ്ഡം.


>>അപരിഷ്കൃത സാമൂഹിക സാഹചര്യത്തില്‍ നല്‍കപ്പെട്ട കാലഹരണപെട്ട ഫതവകളിലേക്ക് സ്വയംഭോഗംകൂടി കൂട്ടി വായിക്കുന്നതായിരിക്കും നല്ലത്. ഇസ്ലാമികധ്യപനങ്ങള്‍ പുതിയ സാമൂഹ്യസാഹചര്യത്തില്‍ പ്രായോഗികമായി വായിക്കപ്പെടുകയും പരിഷ്കരിക്കപ്പെടുകയുമാണ് വേണ്ടത് <<


കഷ്ടം എന്നല്ലാതെ എന്ത് പറയാൻ?ഒരു തോന്ന്യാസത്തെ ന്യായീകരിക്കുന്നതാണോ സലീമേ പരിഷ്ക്കാരം? താങ്കൾ ഏത് ഇ സ്ലാമിനെയാണ് പ്രതിനിഥാനം ചെയ്യുന്നത്? യഥാർത്ഥ ഇസ്ലാമിനു ഒരു ഫത് വയും തിരുത്തേണ്ടി വന്നിട്ടില്ല. താങ്കളെപോലുള്ള മുറി വൈദ്യരുടെ ഫത് വകൾ തിരുത്തിയിട്ടുണ്ടെങ്കിൽ അത് ഇസ്ലാമിന്റെ കുറ്റവുമല്ല. ഏത് സാഹചര്യത്തിലും സദാചാരം നില നിർത്താൻ ശബ്ദിക്കുകയും അസാന്മാർഗ്ഗികത കയ്യൊഴിക്കാൻ യത്നിക്കുകയുമാണ് മുസ്ലിം ചെയ്യുക. അതാണ് യഥാർത്ഥ പരിഷ്ക്കരണം.അല്ലാതെ ഒഴുക്കിനനുസരിച്ച് നീന്താൻ ആർക്കും കഴിയും അത് പരിഷ്ക്കരണമല്ല മറിച്ച് ഗതികേടാണ്

>>.20)o നൂറ്റാണ്ടില്‍ പോലും മലബാറില്‍നിന്നും ഹജ്ജിനു വന്നവര്‍ അടിമയെയും വാങ്ങിതിരിച്ചു വന്നതായി ചരിത്രത്തില്‍ രേഖപ്പെടുത്തിയിട്ടുണ്ട് <<


സലീമിനെപോലുള്ളവർ എഴുതിയ ചരിത്രം,ആവും അല്ലെ?!!!

>>റമളാന്‍ന്റെ രാത്രികളില്‍ സഹാബിമാര്‍ കുറ്റബോധത്തോടെ ഭാര്യമാരെ ബന്ധപ്പെട്ടിരുന്നതായും, അതാണ് നോമ്പുകാര്‍ക്ക് രാത്രിയില്‍ സംയോഗം ഹലാല്‍ ആക്കി ആയത്ത് ഇറങ്ങിയതിന്റെഅവതരണപക്ഷാത്തലം എന്നും മനസ്സിലാക്കിയിട്ടുണ്ട് <<


അന്ന് അത് കുറ്റം തന്നെയായിരുന്നു.പക്ഷെ അള്ളാഹു രാത്രിയിൽ അത് അനുവദിച്ചു..എന്ന പോലെ സ്വയം ഭോഗം അനുവദിച്ചു എന്ന് കണ്ടിട്ടുണ്ടോ?കയ്യിനെ വിവാഹം ചെയ്തവൻ ശപിക്കപ്പെട്ടവനാണെന്ന പ്രസ്താവനയാണ് പ്രവാചകൻ(സ) നടത്തിയത് ഇപ്പോൾ വ്യത്യാസം മനസിലായില്ലെ സലീമേ?

>> വിക്കിപീഡിയ ഞാന്‍ ഉദ്ധരിച്ചത് നിലവില്‍ ശാസ്ത്രവുംലോകവും പ്രശനത്തെ എങ്ങിനെ കാണുന്നു എന്ന് സൂചിപിക്കാനാണ്.ശാസ്ത്രത്തെ പൂര്‍ണ്ണമായും തള്ളികളയെണ്ടാതെല്ല. ശാസ്തീയ കാര്യങ്ങളില്‍ പല അമളികളും പഴയ കാല പണ്ഡിതന്മാര്‍ നല്‍കിയ ഫതവകളില്‍ ഉണ്ടായിട്ടുണ്ട് <<

എന്തിനാണ് സലീം ഇങ്ങനെ പരിഹാസ്യനാവുന്നത്?ശാസ്ത്രത്തെ പൂർണ്ണമായി തള്ളിക്കളയേണ്ടതല്ലെന്ന് താങ്കൾ പറയുമ്പോൾ പൂർണ്ണമായി കൊള്ളാനാവില്ലെന്നും കൂടി അതിൽ ഇല്ലേ?ഇങ്ങനെ മലർന്ന് കിടന്ന് തുപ്പല്ലേ സലീമേ!

ആ അമളി പറ്റിയ ഫത്വകളും മുഫ്തികളെയും താങ്കളൊന്ന് വിശദീകരിക്കുമോ?

>>ഉദാ :-രക്തദാനം,അവയവദാനം,ജീവനുള്ളവയുടെ ചിത്രങ്ങള്‍ , ഫോട്ടോഗ്രഫി , ടി വി തുടങ്ങിയവ ഒരു കാലത്ത് ഇസ്ലാമില്‍ ഹറാം ആയിരുന്നു.<<


മുമ്പ് ഹറാമായതൊക്കെ ഇന്നും ഹറാം തന്നെയാണ് തങ്കൾക്ക് ഇതിലൊന്നുമുള്ള വ്യത്യാസം അറിയാത്തതിന് ഇസ്ലാമിനെ പഴിക്കണോ?

>>മനുഷ്യര്‍ സ്പേസ് ലും ചന്ദ്രനിലും കാലുകുത്തുമെന്ന് വിശ്വസിക്കല്‍ ഇസ്ലാമിക്‌ വിശ്വാസത്തിനെതിരനെന്നു ഫതവനല്‍കിയിരുന്നു.<<

ആരാണാവോ ഈ ഫത്_വ നൽകിയത്.? അൻസാരിനെ പോലെ നിരുത്തരവാദ പ്രസ്താവനയല്ല നിങ്ങളുടെതെങ്കിൽ താങ്കൾ തെളിവ് സഹിതം, അതൊന്നു വിശദീകരിക്കുമോ? സലീമിനു ചരിത്രമറിയുമെങ്കിൽ സൂപ്പർ സ്പ്യ്സിലെത്തിയ മുഹമ്മദ് നബി(സ)യുടെ മിഅ്റാജ് വിശ്വസിക്കുന്നവരാണ് മുസ്_ലിംകൾ(അത് ഉൾക്കൊള്ളാൻ കഴിയാത്ത ചില ഉൽ‌പ്പതിഷ്ണുക്കൾ അത് സ്വപ്നാടനമാക്കാൻ ഇടക്കാലത്ത് കഷ്ടപ്പെട്ടിരുന്നു എന്നത് മറക്കുന്നില്ല അവരെക്കണ്ടാണ് താങ്കൾ ഇസ്ലാമിനെയും ഫത് വയെയും വിശകലനം ചെയ്യുന്നതെങ്കിൽ അത് ഇനിയും ധാരാളമുണ്ടാകും അതിനു ഇസ്ലാം ഉത്തരവാദിയല്ല എന്ന് അറിയിക്കട്ടെ)

>>സ്ത്രീ വിദ്യാഭ്യാസം നിരോധിച്ചിരുന്നു.<<

സ്ത്രീ വിദ്യഭ്യാസം നിരോധിച്ചിരുന്നു എന്ന് താങ്കൾ തെളിയിക്കുമോ?

>>അത്തരം ഫതവകള്‍ക്ക് അക്കാലത്ത് സ്വീകാര്യത ലഭിച്ചിരുന്നു.ഇന്നാകട്ടെ ഏറ്റവും യാഥാസ്ഥിതികര്‍ എന്ന്വിളിക്കപ്പെടുന്നവര്‍ പോലും ചാനല്‍ തുടങ്ങിയിരിക്കുന്നു<<

താങ്കൾ ഏതോ സ്വപ്ന ലോകത്താണ് അല്ലെങ്കിൽ താങ്കൾ ഒരു കൂലി എഴുത്തുകാരനാണ് .കാരണം മുസ്ലിംകൾ പറഞ്ഞിരുന്നതും പറയുന്നതും തമ്മിൽ ഒരു വ്യത്യാസവമില്ല.ചാനൽ എന്നതല്ല തെറ്റ് അതിൽ എന്ത് വരുന്നു എന്നതാണ്.നേരത്തെ തെറ്റെന്ന് പറഞ്ഞതിനെ ശരിയാക്കാൻ ആരെങ്കിലും മിനക്കെട്ടാൽ സ്വയം ഭോഗ വിഷയത്തിലെന്നപോലെ ഇടപെടാൻ നമ്മളും ബ്ലോഗുമൊക്കെ ഇവിടെ തന്നെ കാണും സലീമേ!(ഇ.അ)


>>ഞാനുദ്ദേശിച്ചത് ഒരു വിഷയത്തിന്റെ എല്ലാ വശങ്ങളും ആരോഗ്യകരമായി ചര്‍ച്ചചെയ്യുക എന്നുള്ളതാണ്.വ്യക്തിഹത്യയിലും പരിഹാസത്തിലും താല്പര്യമില്ല<<

ഇതാണോ ആരൊഗ്യകരമായ ചർച്ച? വായിൽ വന്നത് വിളിച്ച് പറയലാണോ ആരോഗ്യകരം!വ്യക്തി ഹത്യ ചെയ്യുന്നത് ആരാണ് ? .മുസ്ലിം ലോകത്തെ പണ്ഡിതന്മാരൊക്കെ കാലഹരണപ്പെട്ടത് പറഞ്ഞു എന്ന് പറഞ്ഞ താങ്കളേക്കാൾ വലിയ വ്യക്തി ഹത്യക്കാരൻ ആരാണ്? പരിഹസിച്ചതും താങ്കൾ തന്നെയല്ലെ… ? താങ്കൾ അർഹിക്കുന്നത് പരിഹാസം മാത്രമാണെങ്കിലും താങ്കളെ പോലുള്ളവർ പറയുന്നത് കേട്ട് പെട്ടു പോയവരുണ്ടെങ്കിൽ അവർക്ക് വേണ്ടിയാണ് ഇത്രയും എഴുതിയത്

conclution :

ചുരുക്കത്തിൽ വിവാഹം ചെയ്യാത്തവർക്ക് സ്വയം ഭോഗത്തിനു അനുമതി ആവശ്യപ്പെടുന്നവർ ഒരു മുസ്ലിം ശീലിക്കേണ്ട ക്ഷമയും വിശുദ്ധിയുമൊക്കെ സൌകര്യ പൂർവം മറക്കുകയാണ്.അള്ളാഹുവിന്റെ ഇഷ്ടം സമ്പാദിക്കാൻ ശ്രമിക്കുന്നവർ അവരുടെ ഗുഹ്യത്തെ സൂക്ഷിക്കുക തന്നെ വേണം വല്ല സാഹചര്യത്തിലും ഇത്തരം തെറ്റ് ചെയ്യുന്നവർ നാഥനോട് പാശ്ചാത്തപിക്കണം ഇതാണ് വിഷയത്തിന്റെ മർമ്മം.അനിവാര്യത പറഞ്ഞും സാർവത്രികമെന്ന് വാദിച്ചും ഒരു തിന്മയെ വെള്ള പൂശുന്നത് വലിയ നിഷേധവും ധിക്കാരവുമാണെന്ന് തിരിച്ചറിയണം .സ്വയം ഭോഗം ന്യായീകരിക്കാനായി വന്നവരോടൊക്കെ വിശുദ്ധ ഖുർ_ആൻ വിശ്വാസികളോടായി നടത്തിയ ഒരു ആഹ്വാനം ഉണർത്തട്ടെ



وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّى يُغْنِيَهُمْ اللَّهُ مِن فَضْلِهِ
(സൂറത്ത് നൂര്‍ 33 )


വിവാഹം കഴിക്കാൻ കഴിവ് ലഭിക്കാത്തവർ അവർക്ക് അള്ളാഹു തന്റെ അനുഗ്രഹത്തിൽ നിന്ന് സ്വാശ്രയത്വം നൽകുന്നത് വരെ സന്മാർഗ നിഷ്ഠ നിലനിർത്തട്ടെ(സൂറത്തുന്നൂർ 33)

ഇതാണ് ഇസ്ലാം ദീൻ .തെറ്റു ചെയ്യുന്നതിനേക്കാൾ ഗൌരവമാണ് തെറ്റിനെ ന്യായീകരിക്കൽ എന്ന് എല്ലാവരും അറിയുക . യുക്തിവാദമല്ല ഇസ് ലാം ദീൻ എന്ന് തിരിച്ചറിയുക

അള്ളാഹു നല്ലത് ശീലമാക്കാനും നല്ലതിനായി ശബ്ദിക്കാനും എല്ലാവർക്കും അനുകൂല സാഹചര്യം നലകട്ടെ ആമീൻ

ഇവിടെ വന്നവർക്കെല്ലാം നന്ദിയോടെ……

ഈ വിഷയം ഇവിടെ തത്ക്കാലം അവസാനിപ്പിക്കട്ടെ..

27 comments:

ഇഹ്സാൻ said...

വിഷയം വെടിപ്പായി സംവാദകൻ സമർത്ഥിച്ചിരിക്കുന്നു.ഇനിയും ഇതിൽ സംശയിക്കുന്നവരുടെ കാര്യം കട്ടപ്പൊക!!!


ആശംസകൾ!!!

പ്രചാരകന്‍ said...

മാഷാ അല്ലാഹ്..

അല്ലാഹു സംവാദകനെ അനുഗ്രഹിക്കട്ടെ ആമീൻ. സത്യം മനസിലാക്കാൻ ആഗ്രഹിക്കുന്നവർക്കും , സലീം എന്നപേരിലും സഞ്ചാരി എന്ന പേരിലും വന്ന് കമന്റ് എഴുതി ആശയക്കുഴപ്പമുണ്ടാക്കാൻ ശ്രമിച്ച മുഫ്തിമാരുടെ കുത്രന്ത്രമോ കഥയില്ലായ്മയോ വിവരക്കേടോ എത്രത്തോളമാണേന്ന് തിരിച്ചറിയാനും ഈ പോസ്റ്റ് മോർട്ടം ധാരാളം. ഇനിയും സംശയങ്ങൾ ബാക്കിയുള്ളവർ ഉണ്ടായികൊണ്ടേയിരിക്കും. അവരെ അവഗണിക്കാം..

BCP - ബാസില്‍ .സി.പി said...

മാഷാ അല്ലാഹ്.. അല്ലാഹു സ്വീകരിക്കട്ടെ. ആമീൻ

സൈബര്‍ സഞ്ചാരി said...

സലീം എന്നപേരിലും സഞ്ചാരി എന്ന പേരിലും വന്ന് കമന്റ് എഴുതിആശയക്കുഴപ്പമുണ്ടാക്കാൻ ശ്രമിച്ച മുഫ്തിമാരുടെ കുത്രന്ത്രമോ കഥയില്ലായ്മയോ വിവരക്കേടോഎത്രത്തോളമാണേന്ന് തിരിച്ചറിയാനും ഈ പോസ്റ്റ് മോർട്ടം ധാരാളം. ഇനിയും സംശയങ്ങൾ ബാക്കിയുള്ളവർ ഉണ്ടായികൊണ്ടേയിരിക്കും. അവരെ അവഗണിക്കാം..>>>>

ഇത് വ്യക്തമല്ല,സഞ്ചാരിയും സലീമും ഒരാള്‍ തന്നെയായിരിക്കണം എന്നാണോ പ്രചാരകന്‍ പറയുന്നത്...?

പിന്നെ ചര്‍ച്ചക്ക്‌ വരുന്നവരെ...സംശയം ചോദിക്കുന്നവരെ അവഗണിക്കാനുള്ള സ്വാതന്ത്ര്യം ബ്ലോഗര്‍ക്ക് ഉണ്ട്.കമെന്‍റ്കള്‍ ബ്ലോക്ക്‌ ചെയ്യാനുള്ള സൗകര്യം ഗൂഗിള്‍ നല്‍കിയിട്ടുമുണ്ട്.
പക്ഷെ,അത്തരക്കാരെ മറ്റുളവര്‍ അംഗീകരിക്കണമെന്ന നിര്‍ബന്ധം ഉണ്ടാവാന്‍ പാടില്ല.അത്തരത്തില്‍ പെട്ട ഒരാളാണല്ലോ അന്‍സാര്‍ അലി,അതിനെതിരെ
പ്രതിഷേധിക്കാന്‍ വേണ്ടിയാണല്ലോ സംവാദകാന്‍ ഈ ബ്ലോഗ്‌ തുടങ്ങിയത്.ഇനി സംവാദകനും അന്‍സാര്‍ അലിയുടെ ശിഷ്യാനാകാം.പക്ഷെ വ്യാക്തമായി... വ്യക്തിപരമായി ഞാനൊന്ന്പറയുന്നു,വിഷയത്തില്‍ അന്‍സാര്‍ അലിയുടെ വീക്ഷണം ശരിയാണെന്ന് ഇപ്പോഴോ പിന്നെയോ എനിക്ക് ബോധ്യപെട്ടാല്‍ പോലും അന്‍സാര്‍ അലിയെ അംഗീകരിക്കാതിരിക്കാന്‍ എന്നെ സംബന്ധിച്ച് എനിക്ക് ഒരൊറ്റ കാരണമേയുള്ളൂ അത് 'ചര്‍ച്ചയും ചോദിക്കലും' നിരുപാധികമായി രണ്ടാ തരമാണെന്ന അന്‍സാര്‍ അലിയുടെ ദയനീയമായ പ്രഖ്യാപനമാണ്.

സൈബര്‍ സഞ്ചാരി said...

പ്രചാരകന്‍ has left a new comment on the post "സ്വയംഭോഗം ഫത്‌വ - അന്‍‌സാറിനു മറുപടി":

സൈബര്‍ സഞ്ചാരി എഴുതിയ കമന്റ് അദ്ധേഹം തന്നെ പിന്‍‌വലിച്ചത് എന്ത് കൊണ്ടാണെന്നറിയില്ല. എന്തായാലും അദ്ധേഹത്തിന്റെ സംശയങ്ങളും കൂടി ഉള്‍പ്പെടുത്തി ഈ വിഷയത്തിനു ഒരു ഉപസംഹാരമായി മറ്റൊരു പോസ്റ്റ് ഇടാം. ഇന്‍ശാ അല്ലാഹ്.. സത്യം സത്യമായി മനസിലാക്കാനും സത്യത്തിന്റെ വഴിയില്‍ നിലകൊള്ളാനും ഏവര്‍ക്കും തൗഫീഖിനായി ദു‌ആ ചെയ്യുന്നു.

ഇവിടെ വന്ന് വായിച്ചവര്‍ക്കും അഭിപ്രായം അറിയിച്ച


Nouashd Vadakkel,
Ihsan,
Naseem.k.k,
കാസിം തങ്ങള്‍
പാറക്കണ്ടി
ബാസില്‍ സി.പി
മുക്കുവന്‍
ദുല്‍‌ഫുഖാര്‍
അബ്സാര്‍ മുഹമ്മദ്
ആചാര്യന്‍
സൈബര്‍ സഞ്ചാരി
കണ്ണൂരാന്‍
മജീദ് അല്ലൂര്‍


തുടങ്ങീ എല്ലാവര്‍ക്കും നന്ദി രേഖപ്പെടുത്തുന്നു.

സൈബര്‍ സഞ്ചാരി said...

സൈബര്‍ സഞ്ചാരി എഴുതിയ കമന്റ് അദ്ധേഹം തന്നെ പിന്‍‌വലിച്ചത് എന്ത് കൊണ്ടാണെന്നറിയില്ല. എന്തായാലും അദ്ധേഹത്തിന്റെ സംശയങ്ങളും കൂടി ഉള്‍പ്പെടുത്തി ഈ വിഷയത്തിനു ഒരു ഉപസംഹാരമായി മറ്റൊരു പോസ്റ്റ് ഇടാം.<<<>>>

പ്രചാരകാ...സംവാദകാ,തക്ലീദ് വാദത്തിന്‍റെ ദുര്‍ബലതയിലേക്ക്‌ അല്ലെങ്കില്‍ ഇമാമുമാരെ തക്ലീദ് ചെയ്യേണ്ടത് അനിവാര്യമാണോ എന്നതിലെക്ക് ചര്‍ച്ച വഴിമാറാന്‍ സാധ്യതയുണ്ടെന്ന് സംശയിച്ചത് കൊണ്ടായിരുന്നു എന്‍റെ കമെന്‍റ് ഞാന്‍ പിന്‍വലിച്ചത്.പ്രചാരകന്‍ ഉദ്ധരിച്ച പ്രസ്തുത ആയത്തില്‍ നിന്ന് സ്വയഭോഗം ഹറാമാണെന്ന വിധി ഇമാം ഷാഫി(റ)വിന് ലഭിച്ച പോലെ തന്നെ അത് ഹറാമല്ലെന്ന വിധി മറ്റ് ഇമാമുമാര്‍ക്കും ലഭിക്കാം..........???
മുമ്പ് തന്നെ ഈ കമെന്‍റ് ഞാന്‍ മെയില്‍ വായിച്ചിരുന്നെങ്കിലും ഞാനത് അവഗണിക്കുകയായിരുന്നു.പക്ഷെ ഇനിയിപ്പോള്‍ ഞാന്‍ വീണ്ടും ചര്‍ച്ചയില്‍ വരുകയാണ് പ്രചാരകന് അഥവാ സംവാദകന് അത് അവഗണിക്കുകയോ പരിഗണിക്കുകയോ ചെയ്യാം......

സൈബര്‍ സഞ്ചാരി said...

എല്ലാവരും സ്വയം ഭോഗം ചെയ്തവരാണെന്ന് വരുത്താനാണ് സൈബർ സഞ്ചാരി ആദ്യമായി
ശ്രമിക്കുന്നത്>>>>

തീര്‍ച്ചയായും സൈബര്‍ സഞ്ചാരി സഞ്ചാരത്തിനിടയില്‍ ചര്‍ച്ചയില്‍ ഇടപെടാനുള്ള സാഹചര്യം അത്
തന്നെയായിരുന്നു.ഒരിക്കലെങ്കിലും എല്ലാവരും സ്വയംഭോഗം ചെയ്തവരാണ് എന്ന വസ്തുത
നിലനില്‍ക്കുമ്പോള്‍ ആ സ്വയഭോഗം ""തെറ്റോ ശരിയോ"" എന്ന ചര്‍ച്ചയാണ്...ആ ചര്‍ച്ചയിലെ ഇടപെടലാണ് എന്നെ സംബന്ധിച്ച് എനിക്ക് പ്രസക്തമായിതോന്നുന്നത്.അല്ലാതെ എല്ലാവരും സ്വയഭോഗം
ചെയ്തവരാണെന്ന് "വരുത്തി തീര്‍ക്കുകയോ" അല്ലെങ്കില്‍ അങ്ങനെ പ്രചരിപ്പിക്കുകയോ ആയിരുന്നില്ല അത് കൊണ്ട് ഉദ്ദേശിച്ചിരുന്നത്.

സൈബര്‍ സഞ്ചാരി said...

ആരെങ്കിലും സ്വയം ഭോഗം ചെയ്യുന്നുണ്ടോ എന്ന കണക്കെടുപ്പിന് സംവാദകൻ പൊസ്റ്റിട്ടിട്ടില്ലെന്ന് ആദ്യമേ അറിയിക്കട്ടെ.>>>>ചെയ്യുന്നവരുടെ എണ്ണം നോക്കി തിന്മയെ നന്മയാക്കുന്ന രീതി ഇസ്ലാമികമല്ലെന്നുണർത്തുകയും ചെയ്യട്ടെ.>>>

ഒരിക്കലുമല്ല,ചെയ്യുന്നവരുടെ എണ്ണത്തിനനുസരിച്ച് നന്മ-തിന്മകള്‍ മാറി മറിയുമെന്ന് ഞാന്‍ സ്വയം കരുതുകയോ ഇസ്ലാമിക അദ്ധ്യപനങ്ങളും അങ്ങനെ തന്നെയാണെന്ന് ഞാന്‍ വാദിക്കുകയോ ചെയ്തിട്ടില്ലെന്നും വിനയത്തോടെഉണര്‍ത്തുന്നു.എന്നാല്‍ മനുഷ്യന്‍റെ ശക്തി-ദൗര്‍ബല്യങ്ങള്‍ അറിയുന്ന അവനെ സൃഷ്ടിച്ച നാഥന്‍ അറിഞ്ഞു കൊണ്ട്(യുക്തിപൂര്‍വ്വം) തന്നെയാണ് ഓരോ വിധിവിലക്കുകളും അവന് നല്‍കിയതെന്ന എന്‍റെ വിശ്വാസം തെറ്റാണെന്നതിന് ഇത് വരെ എനിക്ക് യാതൊരു തെളിവും
ലഭിച്ചിട്ടില്ലെന്നും കൂട്ടത്തില്‍ അറിയിക്കുന്നു.മനുഷ്യന്‍റെ ജീവിത ഘട്ടങ്ങളില്‍ ഏറ്റവും സങ്കീര്‍ണ്ണ ഘട്ടമെന്ന് മനശാസ്ത്രത്തില്‍ അറിയപ്പെടുന്നകൌമാരകാലത്ത്...സംഭവിച്ചില്ലെങ്കിലൊരു അത്ഭുതമെന്ന്
വിശേഷിപ്പിക്കാവുന്ന വിഷയത്തിലെ ""അതിനും"" വ്യാഭിചാരം പോലെ ഹറാം എന്ന പൊതു ലേബല്‍
നല്‍കിയാല്‍...വ്യാഭിചാരം സാര്‍വ്വത്രികവും സജീവവും നിസ്സാരവുമായ "ഒരു വെറും" തിന്മയായി സൃഷ്ടികള്‍ കരുതുമെന്ന യുക്തിജ്ഞാനം സൃഷ്ടാവായ അല്‍ ഹക്കീമിന് ഇല്ലായെന്ന് വിശ്വാസിക്കാനും വിശ്വാസികള്‍ക്ക്‌ കഴിയില്ല.അന്‍സാര്‍ അലിയുടെ കണക്ക്‌ പ്രകാരം ഒരാള്‍ ആഴ്ചയില്‍ അഞ്ചു
പ്രാവശ്യം സ്വയഭോഗം ചെയ്‌താല്‍,സ്വയഭോഗം വ്യാഭിചാരം പോലെ ഹറാമാണെങ്കില്‍...അയാള്‍ക്ക്‌
ലഭിക്കുന്ന വ്യാഭിചാര ശിക്ഷയുടെ കണക്കിനെ കുറിച്ച് ഓര്‍ത്താല്‍ ഒരിക്കലും രക്ഷപെടാന്‍ കഴിയാത്ത
വിധം നൈരാശ്യത്തില്‍ അകപ്പെടാനുള്ള സാധ്യതയെ കുറിച്ച് ഓര്‍ക്കാന്‍ എന്ത് കൊണ്ടാണ് ഈ
പണ്ഡിത ലേബലിന് കഴിയാത്തത്....?സ്വയഭോഗം സമമാണ് വ്യാഭിചാരം എന്നൊരു വീക്ഷണം സംവാദകന് ഉണ്ടോയിരുന്നോ എന്നറിയില്ല എന്നാല്‍ അങ്ങനെയൊരു ധാരണ അല്ലെങ്കില്‍ തെറ്റിദ്ധാരണ
ഈ ചര്‍ച്ചയില്‍ നിന്ന് പലര്‍ക്കും ലഭിക്കുന്നുണ്ടായിരുന്നു.അത് കൊണ്ട് കൂടിയാണ് സ്വയഭോഗം
""ആപേക്ഷികമായി"" തെറ്റാണോ എന്ന സംശയങ്ങള്‍ ഉണ്ടായിരുന്നത്.ഇനിയൊരു പക്ഷെ പ്രത്യക സാഹചര്യങ്ങളില്‍ നിലവില്‍ വരുകയും ദുരുപയോഗ സാധ്യതയുള്ളതുമായ താല്‍ക്കാലിക വിവാഹം
സമാനമായ സാഹചര്യങ്ങളില്‍ സ്വയഭോഗത്തിന് പകരം വീണ്ടും കൊണ്ട് വരണം എന്നൊരു വാദം
സംവാദകാനോ അഥവാ പ്രചാരകനോ ഉണ്ടാവുമോ..?

സൈബര്‍ സഞ്ചാരി said...

പോസ്റ്റില്‍ വിഷയമായി മാറിയ എന്‍റെ കമെന്‍റ് തെറ്റിദ്ധരിച്ചോ തെറ്റായി വ്യാഖ്യാനിച്ച് തെറ്റിദ്ധരിപ്പിക്കുയോ ചെയ്തതിനുള്ള മറുപടിയും വിഷയത്തിന്‍റെ മര്‍മ്മത്തിലെക്കുമായി പിന്നൊരിക്കല്‍ വരാം(ഇന്‍ ഷാ അല്ലാഹ്)

ഇപ്പൊ പോകണം....നന്ദി.

Absar Mohamed said...

പോസ്റ്റ്‌ പിന്തുടരുന്നുണ്ട്....
സംവാധകന്റെ വിശദീകരണങ്ങള്‍ അഭിനന്ദനാര്‍ഹമാണ്...
ആശംസകള്‍...

പ്രചാരകന്‍ said...

@ സൈബര്‍ സഞ്ചാരി,

സൈബരി സഞ്ചാരിയും സലീമും ഒരാളാണെന്ന് സം‌വാദകന്‍ ഇവിടെ പ്രസ്താവിച്ചതായി കാണുന്നില്ല... രണ്ട് പേരും തെറ്റിദ്ദരിപ്പിക്കാന്‍ ശ്രമിക്കുന്നു എന്നാണ്‌ സം‌വാദകന്‍ ഉദ്ദേശിച്ചിരിക്കുന്നത് എന്നാണ്‌ എനിക്ക് മനസിലാവുന്നത്. പിന്നെ സം‌വാദകന്റെ നന്ദി പ്രകടനം പ്രചാരകന്റെ ഐഡിയില്‍ നിന്ന് വന്നതാണ്‌ രണ്ട് പേരും ഒന്നാണോ എന്ന താങ്കളുടെ സംശയത്തിനു കാരണം. അല്ല എന്ന് ഉണര്‍ത്തട്ടെ. സം‌വാദകന്റെ തന്നെ ഐഡി യില്‍ നിന്ന് (അദ്ധേഹം തിരക്കിലായതിനാല്‍) പോസ്റ്റ് ചെയ്യാനായി അദ്ധേഹത്തിന്റെ കമന്റ് പോസ്റ്റ് ചെയ്യുമ്പോള്‍ എന്റെ തന്നെ ഐഡിയില്‍ നിന്നായതാണ്‌ ആ കമന്റ് പിന്‍‌വലിച്ച് സം‌വാദകന്റെ തന്നെ ഐഡിയില്‍ നിന്ന് പിന്നെ പോസ്റ്റ് ചെയ്തത് ( ബ്ലോഗ് സെറ്റിംഗും മറ്റു സഹായങ്ങളും പ്രചാരകന്‍ ചെയ്യാറുമുണ്ട് ) ഇതാണ്‌ സത്യം..

ഇപ്പോള്‍ സം‌വാദകന്റെ ഈ പോസ്റ്റിനു താങ്കള്‍ ഇട്ടിരിക്കുന്ന മറുപടികള്‍ വെറും വാചക കസര്‍ത്തുകള്‍ മാത്രമാണെന്ന് പറയാതെ വയ്യ.. ഇതിന്‍ മറുപടി അര്‍ഹിക്കുന്നുണ്ടെങ്കില്‍ സം‌വാദകന്റെ മറുപടി ഉണ്ടാവും.. ഇന്‍ശാ അല്ലാഹ് അതിനായി കാക്കുന്നു.

പ്രചാരകന്‍ said...

സഞ്ചാരി,

താങ്കള്‍ എന്റെ ഈ പോസ്റ്റിലെ കമന്റണ്‌ ഉദ്ധേശിച്ചതെങ്കില്‍ , ശരിയാണ്‌ എനിക്കങ്ങിനെ തോന്നിയിരുന്നു എന്ന് ഞാന്‍ ഉദ്ധേശിച്ചിട്ടില്ല 2 പേരും തെറ്റിദ്ദരിപ്പിക്കാന്‍ ശ്ര്മിക്കുന്നു എന്ന് തന്നെയാണു ഉദ്ദേശിചത്. സോറി

ബഷീര്‍ പി.ബി.വെള്ളറക്കാട്‌ said...

സം‌വാദകന്റെ ഈ ഉപസം‌ഹാരത്തോടെ ചിത്രം കൂടുതല്‍ വ്യക്തമായി.. ഇനിയും സം‌ശയങ്ങള്‍ ബാക്കിയാവുന്നവര്‍ക്ക് അത് തീരുമെന്ന് തോന്നുന്നില്ല.

OT: ചര്‍ച്ച വ്യക്തിപരമായി പോവാതിരുന്നാല്‍ നല്ലത്

Samvaadhakan|സം‌വാദകന്‍ said...

@സൈബർ സഞ്ചാരി

>> പിന്നെ ചർച്ചക്ക്‌ വരുന്നവരെ...സംശയം ചോദിക്കുന്നവരെ അവഗണിക്കാനുള്ള സ്വാതന്ത്ര്യംബ്ലോഗര്ക്ക് ഉണ്ട്.കമെന്റ്ക ള്‍ ബ്ലോക്ക്‌ ചെയ്യാനുള്ള സൗകര്യം ഗൂഗിള്‍ നല്കിനയിട്ടുമുണ്ട്<<

സൈബർ സഞ്ചാരി എന്തിനാണ് ഇങ്ങനെ കബളിപ്പിക്കുന്നത്?ചർച്ചക്ക് വരുന്നവരെ സംവാദകൻ പരിഗണിക്കുന്നത് കൊണ്ടല്ലെ താങ്കളുടെ കമന്റ് താങ്കൾ പിൻ വലിച്ചിട്ട് പോലും സംവാദകൻ അത് തലനാരിഴ കീറി പരിശോധിച്ചത്?പിന്നെ എന്തിന്റെ അടിസ്ഥാനത്തിലാണ് കമന്റുകൾ ബ്ലോക്ക് ചെയ്തുവെന്ന് വരുത്താനും സംവാദകനു അൻസാറിന്റെ ശിഷ്യനാവാം എന്ന് നിലവാരമില്ലാത്ത പ്രതികരണം നടത്താനും താങ്കൾ ശ്രമിച്ചത്?

>>പ്രസ്തുത ആയത്തില്‍ നിന്ന് സ്വയഭോഗം ഹറാമാണെന്ന വിധി ഇമാം ഷാഫി(റ)വിന് ലഭിച്ചപോലെ തന്നെ അത് ഹറാമല്ലെന്ന വിധി മറ്റ് ഇമാമുമാര്ക്കും ലഭിക്കാം..........???<<


അങ്ങനെ ഈ ആയത്തിൽ നിന്ന് ലഭിച്ചവരുണ്ടെങ്കിൽ താങ്കൾക്ക് അവരെ അവതരിപ്പിക്കാം അതാണല്ലോ ആരോഗ്യകരമായ ചർച്ചയുടെ സ്വഭാവം!അല്ലാതെ എന്ന ഊഹം തീരെ ശരിയായില്ല എന്ന് പറയാതെ വയ്യ

>>""അതിനും"" വ്യാഭിചാരം പോലെ ഹറാം എന്ന പൊതുലേബല്‍
നല്കിയയാല്‍<<


സഞ്ചാ‍രിയുടെ ഈ വസ് വാസിനു എന്താണ് അടിസ്ഥാനം? വ്യഭിചാരം പോലെ എന്നത് തെറ്റിദ്ധരിപ്പിക്കാനാണോ അതോ താങ്കൾ തെറ്റിദ്ധരിച്ചതോ?രണ്ടാണെങ്കിലും കഴിഞ്ഞ എന്റെ മറുപടി ഒന്നു കൂടി വായിക്കുമല്ലോ അതിലുണ്ട് ഈ വസ് വാസിന്റെ ഉത്തരം അഥവാ
>സ്വയഭോഗം സമമാണ് വ്യാഭിചാരം എന്നൊരുവീക്ഷണം സംവാദകന് ഉണ്ടോയിരുന്നോ എന്നറിയില്ല എന്നാല്‍ അങ്ങനെയൊരു ധാരണഅല്ലെങ്കില്‍ തെറ്റിദ്ധാരണഈ ചര്ച്ച യില്‍ നിന്ന് പലര്ക്കും ലഭിക്കുന്നുണ്ടായിരുന്നു< എന്ന
സംവാദകന്റെ വീക്ഷണം വ്യക്തമായി ,കഴിഞ്ഞ പോസ്റ്റിലുണ്ടായിട്ടും താങ്കൾ ഇങ്ങനെ സംശയിക്കുന്നത് എന്തിനായാലും ഇത് ശരിയല്ലെന്നേ തൽക്കാലം പറയുന്നുള്ളൂ.ഒരു പോലെയാണോ എന്ന തങ്കളുടെ ചോദ്യത്തിനു പച്ചക്ക് പറഞ്ഞ ഉത്തരമെങ്കിലും ഒന്ന് വായിക്കുമല്ലോ!

>>താല്ക്കാലിക വിവാഹം
സമാനമായ സാഹചര്യങ്ങളില്‍ സ്വയഭോഗത്തിന് പകരം വീണ്ടും കൊണ്ട് വരണം എന്നൊരുവാദം
സംവാദകാനോ അഥവാ പ്രചാരകനോ ഉണ്ടാവുമോ..?<<

താങ്കൾ ഒന്നും പഠിക്കില്ലെന്ന വാശിയിലാണെങ്കിൽ ഞാൻ നിസ്സഹായനാണ്.അല്ലെങ്കിൽ ഈ ചോദ്യം തികച്ചും അനാവശ്യവുമാണ്.താൽക്കാലിക വിവാഹത്തിന്റെ നിയമം എന്താണെന്ന് കഴിഞ്ഞ പോസ്റ്റിൽ പച്ചക്ക് പറഞ്ഞിട്ടുണ്ട് പിന്നെയും ഈ ഊഹം ഒരു തരം അസുഖം തന്നെയാണ്.സാഹചര്യം മുതലെടുത്ത് ഓരോന്ന് അനുവദിക്കണമെന്ന തത്വം സംവാദകന്റേതല്ല സഞ്ചാരിയുടേതാണെന്ന് കമന്റിടുമ്പോൾ ഓർക്കുന്നത് നല്ലതാണ് എന്നേ പറയുന്നുള്ളൂ

>>പോസ്റ്റില്‍ വിഷയമായി മാറിയ എന്റെ് കമെന്റ്് തെറ്റിദ്ധരിച്ചോ തെറ്റായി വ്യാഖ്യാനിച്ച് തെറ്റിദ്ധരിപ്പിക്കുയോ ചെയ്തതിനുള്ള മറുപടിയും വിഷയത്തിന്റെ് മര്മ്മദത്തിലെക്കുമായിപിന്നൊരിക്കല്‍ വരാം(ഇന്‍ ഷാ അല്ലാഹ്)<<

മറുപടിയുമായി വന്നാൽ സംവാദകൻ ഇവിടെ തന്നെ കാണും(ഇൻശാ അള്ളാഹ്) ഇപ്പോൾ ചെയ്തത് പോലെ അസത്യം പറഞ്ഞ് മറപിടിക്കാണെങ്കിൽ തൽക്കാലം അതിനു നശിപ്പിക്കാൻ എന്റെ കയ്യിൽ സമയമില്ലെന്ന് ഉണർത്തട്ടെ

ആവശ്യമായത് സംവാദകൻ പറഞ്ഞിട്ടുണ്ട് പ്രസക്തമായ ഇടപെടലുകളുണ്ടെങ്കിൽ വീണ്ടും, വരാം നിലവാരമില്ലാത്ത വാചകക്കസർത്തുകൾക്ക് ഇനി സംവാദകൻ ചെവി കൊടുക്കില്ല എന്നുണർത്തുന്നു.

അള്ളാഹു നന്നായി ജീവിക്കാനും നന്മക്ക് പ്രചോദനം നൽകാനും തിന്മയെ തിന്മയെന്ന് അംഗീകരിക്കാനും നമ്മെയെല്ലാം തുണക്കട്ടെ ആമീൻ എല്ലാവർക്കും ആശംസകൾ

ന്യായവാദി said...

സംവാദകനോട് ഒരു ചോദ്യം...സ്വയം ഭോഗം തികച്ചും(സര്‍വ്വ സാഹചര്യത്തില്‍) ഹറാമാണെന്ന വാദം താങ്കള്‍ക്ക് ഉണ്ടോ..??
അത് പോലെ സ്വയഭോഗം തികച്ചും ഹലാല്‍ ആണേന്ന വാദം സൈബര്‍ സഞ്ചാരിക്ക് ഉണ്ടോ...???

ന്യായവാദി said...

മദ്രസ്സ കാലത്തിലെ മത പഠനത്തിന് ശേഷം അനുകൂലമായ സാഹചര്യം ലഭിക്കുമ്പോള്‍ പലരും വീണ്ടും മതപഠനം നടത്താറുണ്ടെന്നത് ഒരു വസ്തുതയാണ്..എന്നാല്‍ ആ പഠനം ചെറിയ പ്രായത്തിലെ മദ്രസ്സ പഠനം പോലെ എളുപ്പമാവാറില്ല.ഉസ്താത്‌ പറയുന്നത് മാത്രം കേട്ടിരുന്ന,മറ്റൊന്നും കേള്‍ക്കാനുള്ള സാഹചര്യമില്ലാത്ത മദ്രസ്സ പഠനത്തില്‍,അന്ന് ഉസ്താത്‌
പറയുന്നത് മാത്രമായിരുന്നു 'വേദവാക്യം'.

എന്നാല്‍ ഇന്ന് ഒരേ വിഷയത്തെ കുറിച്ച് തന്നെ ഭിന്നാഭിപ്രായങ്ങളാണ്‌ ഉസ്താതുമാര്‍ക്ക് ഉള്ളത്.
മദ്ഹബുകള്‍ തമ്മിലെ അഭിപ്രായഭിന്നത മാത്രമല്ല മദ്ഹബും മദ്ഹബ് ഇല്ലാത്തവര്‍ തമ്മിലും വളരെയധികം വിഷയങ്ങളിലും അഭിപ്രായ ഭിന്നതയിലാണ്.എല്ലാ വിഭാഗവും എല്ലാ കാര്യത്തിനും പ്രമാണങ്ങള്‍ ഉദ്ധരിക്കുകയും പ്രമാണങ്ങളുടെ പിന്‍ബലം തങ്ങള്‍ക്കാണെന്ന്വി ശ്വസിക്കുകയും പ്രചരിപ്പിക്കുകയും ചെയ്യാറുമുണ്ട്.ചേകനൂരികള്‍ വരെ ഇസ്ലാമിക പ്രമാണങ്ങളുടെ പിന്‍ബലം തങ്ങള്‍ക്ക് മാത്രമാണെന്ന് പ്രചരിപ്പിക്കാറുണ്ട്!!!

ഇത്തരം സാഹചര്യങ്ങളാണ് വലിയ പ്രായത്തിലെ മതപഠനം പ്രയാസമാക്കുന്നത്.

[ഒരു പക്ഷെ സംവാദകനും സഞ്ചാരിയും ഒരു പ്രത്യാക വിഭാഗത്തിന്‍റെ വീക്ഷണങ്ങള്‍ക്ക് വേണ്ടി വാദിക്കുന്നവരായിരിക്കാം.
ഇവിടെ കമെന്‍റ് ചെയ്യുന്ന ചില ഐഡിയില്‍ നിന്ന് സംവാദകന്‍റെ വിഭാഗം ഏതാണെന്ന് ഊഹിക്കപെടുമെങ്കിലും സഞ്ചാരിയുടെ കമെന്‍റ്ല്‍ നിന്ന്
സഞ്ചാരിയുടെ വിഭാഗത്തെ കുറിച്ച് യാതൊരു ഐഡിയയും ലഭിക്കുന്നില്ല.സംവാദകന്‍ സംവാദ
രീതിയില്‍ തന്നെ ലളിതമായി പ്രതികരിക്കുമ്പോള്‍ ചോദ്യത്തിലൂടെ സംവാദത്തില്‍ ഇടപെട്ട് വിഷയത്തിന്‍റെ വിവിധ വശങ്ങള്‍ വിശകലനം ചെയ്യാന്‍ പരിശോധനക്ക്‌ വെക്കുന്ന ഒരു
രീതിയാണ് സഞ്ചാരിയുടെത്.]

ഒരാളുടെ ആത്മീയ വിജയ-പരാജയങ്ങളുടെ ഉത്തരവാദിത്വം ഉസ്താത് മാരേക്കാളും അധികം അവരവര്‍ക്ക് തന്നെയാണെന്ന് തിരിച്ചറിയുന്നവര്‍ സത്യന്വാഷണം ഓരോരുത്തരുടെയും സ്വാര്‍ത്ഥതാല്പര്യമായി കാണുകയും അതിന് വേണ്ടി ശ്രമിച്ചു കൊണ്ടിരിക്കുകയും ചെയ്യും.എന്നാല്‍,ഏകത്വ വക്താക്കളുടെ ഐക്യമില്ലായ്‌മ കണ്ട് ചില എടുത്ത് ചാട്ടക്കാര്‍ മതത്തില്‍ നിന്ന് തന്നെ അകലാനും തുടങ്ങും.

തര്‍ക്കമുള്ള വിഷയത്തില്‍ രണ്ടു വിഭാഗവും പ്രമാണങ്ങള്‍ ഉദ്ധരിക്കുമ്പോള്‍ 'അതോ' 'ഇതോ'
അഥവാ 'ഇതോ' 'അതോ' ശരി എന്ന സംശയം ഉണ്ടാകുന്നു.
രണ്ടു വാദത്തിനും(വിഭാഗം) പ്രമാണമുണ്ടെങ്കില്‍ പിന്നെ രണ്ടിലൊന്ന്
സ്വീകരിക്കാമെന്നാണെങ്കില്‍ അത് അംഗീകാന്‍ ആര്‍ക്കും കഴിയും.മാത്രമല്ല,രണ്ടിലൊന്ന് സമ്പൂര്‍ണ്ണ ശരിയാണെന്നും അത് മാത്രമാണ് മത വിധിയെന്നാണെങ്കിലും അതും സ്വീകാര്യമാവും.എന്നാല്‍
രണ്ടിലെ ഏറ്റവും ശരി ടോസ്‌ ചെയ്ത് കണ്ടെത്താമെന്ന് ആരും പറയില്ല,ഭാഗ്യത്തിന്
അങ്ങിനെയാരും പറയാറുമില്ല.

യഥാര്‍ത്ഥത്തില്‍ സത്യം കണ്ടെത്തി തര്‍ക്കം പരിഹരിക്കുകയെന്ന ഉദ്ദേശത്തോടെ ഇന്ന് നടക്കുന്ന
ചര്‍ച്ചകളില്‍ രണ്ടു വിഭാഗവും അവരവരുടെ വാദത്തിനു അനുകൂലമായ പ്രമാണങ്ങള്‍
ഉദ്ധരിച്ചു കൊണ്ടെയിരിക്കുക മാത്രമേ ചെയ്യുന്നുള്ളൂ.രണ്ടിലൊരു പ്രമാണം ഖണ്ഡിക്കപെടുമ്പോള്‍ മാത്രമേ തര്‍ക്കം പരിഹരിക്കപെടുകയുള്ളൂ എന്ന വസ്തുത നിലനില്‍ക്കുമ്പോള്‍ ഇത്രയും കാലം ചര്‍ച്ച നടത്തിയിട്ടും തര്‍ക്കങ്ങള്‍ പരിഹരിക്കപെടാത്തതില്‍
അത്ഭുതമില്ല.

ന്യായവാദി said...

ഈ ചര്‍ച്ചയില്‍ പരമാര്‍ശമുള്ള ഒരു ഉദാഹരണം പരിശോധിച്ച് നോക്കൂ.....

ഭാര്യയെ തൊട്ടാല്‍ വുളു മുറിയുമെന്നൊരു വിഭാഗവും ഇല്ലായെന്ന് മറുവിഭാഗവും
വാദിക്കുന്നു.മുറിയുമെന്ന വാദത്തിന് പ്രമാണമായി ആയത്തും ഇല്ലായെന്ന വാദത്തിന്
പ്രമാണമായി ആയിശ ബീവി(റ)യുടെ ഹദീസും ഉദ്ധരിച്ചു കൊണ്ടേയിരിക്കുന്നു.രണ്ടു
പ്രമാണങ്ങളുടെയുടെയും പ്രാമാണികത രണ്ടു കൂട്ടരും നിഷേധിക്കാത്ത സാഹചര്യത്തില്‍
തര്‍ക്കത്തിന് പരിഹാരമാവാതെ തന്നെ ചര്‍ച്ച ഇല്ലാതെയാവുന്നു.!!!!

ഈ സാഹചര്യത്തില്‍ പ്രമാണങ്ങളെ നിരാകരിക്കാതെ തന്നെ തര്‍ക്കങ്ങള്‍ പരിഹരിക്കാനുള്ള മാര്‍ഗത്തെ കുറിച്ച് എന്ത് കൊണ്ട് ആരും ആലോചിക്കുന്നില്ല...???.തീര്‍ച്ചയായും,സര്‍വ്വ ന്യായങ്ങളുടെയും അധിപനായ റബ്ബ് അന്യായമായി യാതൊരു മതവിധിയും മനുഷ്യന്
നല്‍കില്ലെന്ന വിശ്വസത്തിന്‍റെ അടിസ്ഥാനത്തില്‍ തര്‍ക്കമുള്ള വിഷയത്തിലെ രണ്ടു
വിധികളുടെയും ന്യായങ്ങള്‍ പരിശോധിച്ച് മതവിധിയാവാന്‍ കൂടുതല്‍ ന്യായങ്ങള്‍ ഉള്ളത്
ഏതിനാണെന്ന്(വുളു മുറിയുമെന്നതിനോ/ഇല്ലയെന്നതിനോ) കണ്ടെത്തി സ്വീകരിച്ചു കൂടെ.
ഒരു പക്ഷെ ഇമാമുമാര്‍ ആ ന്യായങ്ങളൊക്കെ പരിശോധിച്ചിട്ടുണ്ടായിരിക്കാം എന്നാല്‍ തര്‍ക്കമുള്ള സാഹചര്യത്തില്‍ ഇമാമുമാര്‍ ഇങ്ങനെയൊരു വിധി നല്‍കി എന്നതിന്പ്രസക്തിയില്ലല്ലോ.അതെ
സമയം അങ്ങനെയൊരു വിധി നല്‍കാന്‍ ഇമാമുമാര്‍ കണ്ടെത്തിയ ന്യായങ്ങള്‍ എന്തൊക്കെയായിരുന്നു,ആ ന്യായങ്ങള്‍ അടിസ്ഥാനമാക്കുന്ന തത്വം എന്താണ്,ആ തത്വം ഉള്‍കൊള്ളുന്ന പ്രമാണങ്ങള്‍(ആയത്തും ഹദീസും) ഏതൊക്കെയാണ് എന്നിവയെല്ലാം
കണ്ടെത്താന്‍ ഇമാമുമാരുടെ മാര്‍ഗത്തിലൂടെ തിരിച്ച് നടന്ന്...ന്യായങ്ങളില്‍ നിന്ന് വിധി
കണ്ടെത്തുന്നതിന് പകരം വിധിയില്‍ നിന്ന് അതിന്‍റെ ന്യായങ്ങള്‍...കണ്ടെത്തിയാല്‍ ആ 'വിധി' സംശയ രഹിതമായ അനിഷേധ്യ സത്യമായി തര്‍ക്കമില്ലാതെ എല്ലാ വിഭാഗവും
അംഗീകരിക്കും...???......

സത്യം കണ്ടെത്തുക എന്ന ലക്ഷ്യത്തോടെ എല്ലാ വിഭാഗവും ഒന്നിച്ചിരുന്നു(റോഡില്‍ അല്ല )
ചര്‍ച്ച ചെയ്‌താല്‍,കുറച്ച് സങ്കീര്‍ണമാണെങ്കില്‍ പോലും പരിഹരിക്കാവുന്ന തര്‍ക്കമേ മുസ്ലിങ്ങളുടെ ഇടയില്‍ ഉണ്ടാവുകയുള്ളൂ..അതിന് പക്ഷെ എല്ലാവരും മനസ്സ്‌ വെക്കണം...

ന്യായവാദി said...

സ്വയഭോഗം തികച്ചു ഹറാമാണെന്ന വാദം സംവാദകന് ഉണ്ടെന്ന് പോസ്റ്റില്‍ നിന്നോ മറ്റ് കമെന്‍റ്ല്‍ നിന്നോ മനസ്സിലാവുന്നില്ല.എന്നാല്‍ ചില സാഹചര്യങ്ങളില്‍ സ്വയഭോഗം ഹലാലാകാം എന്ന അഭിപ്രയായം പ്രകടിപ്പിച്ചിട്ടുമുണ്ട്.അത് പോലെ സ്വയഭോഗം തികച്ചും ഹലാല്‍ എന്നത് പോയിട്ട് ഹലാല്‍ ആണെന്ന് പോലും സഞ്ചാരിയും വാദിക്കുന്നില്ല.അത് കൊണ്ട് തന്നെ സംവാദകനോട് ഞാനൊരു ഉപചോദ്യം കൂടി ചോദിക്കുന്നു.അതായത്‌,സ്വയഭോഗം തികച്ചും ഹറാം അല്ലെങ്കില്‍ പിന്നെ തികച്ചും ഹലാല്‍ എന്ന് പറയാവുന്ന ചില പ്രവര്‍ത്തികളുടെ ഉദാഹരണം ദയവ് ചെയ്തു സൂചിപ്പിക്കാമോ..?
തികച്ചും എന്ന് പറയുമ്പോള്‍ ഞാനുദ്ദേശിക്കുന്നത് സര്‍വ്വ വ്യക്തികള്‍ക്കും സര്‍വ്വ സാഹചര്യങ്ങളിലും സര്‍വ്വ കാലങ്ങളിലും എന്നാണു.

Samvaadhakan|സം‌വാദകന്‍ said...

@ ന്യായവാദി

your question

>>സംവാദകനോട് ഒരു ചോദ്യം...സ്വയം ഭോഗം തികച്ചും(സര്‍വ്വ സാഹചര്യത്തില്‍) ഹറാമാണെന്ന വാദം താങ്കള്‍ക്ക് ഉണ്ടോ..??<<


reply

ഉണ്ട്.എന്റെ വകയല്ല ഇമാം ശാഫി ഈ(റ) അത് വിശദീകരിച്ചിട്ടുണ്ട്.എന്റെ ആദ്യ പോസ്റ്റും പിന്നീടുള്ള വിശദീകരണങ്ങളും ഒന്നു കൂടി ശ്രദ്ധിച്ച് വായിക്കുമല്ലോ

>>മദ്രസ്സ കാലത്തിലെ മത പഠനത്തിന് ശേഷം അനുകൂലമായ സാഹചര്യം ലഭിക്കുമ്പോള്‍ പലരും വീണ്ടും മതപഠനം നടത്താറുണ്ടെന്നത് ഒരു വസ്തുതയാണ്..എന്നാല്‍ ആ പഠനം ചെറിയ പ്രായത്തിലെ മദ്രസ്സ പഠനം പോലെ എളുപ്പമാവാറില്ല.ഉസ്താത്‌ പറയുന്നത് മാത്രം കേട്ടിരുന്ന,മറ്റൊന്നും കേള്‍ക്കാനുള്ള സാഹചര്യമില്ലാത്ത മദ്രസ്സ പഠനത്തില്‍,അന്ന് ഉസ്താത്‌
പറയുന്നത് മാത്രമായിരുന്നു 'വേദവാക്യം'.<<<

ആ തറയിൽ നിന്ന് കൊണ്ട് എത്ര പഠിച്ചാലും ഒരു കുഴപ്പവും വരില്ല.ഗുരുമുഖം വിട്ട് ഏട്ടിൽ കാണുന്നതൊക്കെ വിഴുങ്ങാൻ ശ്രമിക്കുന്നവർ പരിഭ്രാന്തരാവുന്നത് സ്വാഭാവികം മാത്രം!
.>>

എന്നാല്‍ ഇന്ന് ഒരേ വിഷയത്തെ കുറിച്ച് തന്നെ ഭിന്നാഭിപ്രായങ്ങളാണ്‌ ഉസ്താതുമാര്‍ക്ക് ഉള്ളത്.<<<

അത് ഇന്നു മാത്രമല്ല സഹോദരാ..

>>>മദ്ഹബുകള്‍ തമ്മിലെ അഭിപ്രായഭിന്നത മാത്രമല്ല മദ്ഹബും മദ്ഹബ് ഇല്ലാത്തവര്‍ തമ്മിലും വളരെയധികം വിഷയങ്ങളിലും അഭിപ്രായ ഭിന്നതയിലാണ്.എല്ലാ വിഭാഗവും എല്ലാ കാര്യത്തിനും പ്രമാണങ്ങള്‍ ഉദ്ധരിക്കുകയും പ്രമാണങ്ങളുടെ പിന്‍ബലം തങ്ങള്‍ക്കാണെന്ന്വി ശ്വസിക്കുകയും പ്രചരിപ്പിക്കുകയും ചെയ്യാറുമുണ്ട്.ചേകനൂരികള്‍ വരെ ഇസ്ലാമിക പ്രമാണങ്ങളുടെ പിന്‍ബലം തങ്ങള്‍ക്ക് മാത്രമാണെന്ന് പ്രചരിപ്പിക്കാറുണ്ട്!!!<<<<

ഈ തിരിച്ചറിവ് താങ്കൾക്കുണ്ടെന്നതിൽ സന്തോഷം തോന്നുന്നു.മദ് ഹബുകൾ തമ്മിലുള്ള അഭിപ്രായ വ്യത്യാസം മാത്രമുണ്ടായിരുന്ന കാലത്ത് ഇപ്പറഞ്ഞ കുഴപ്പമൊന്നുമുണ്ടായിരുന്നില്ല .അവരെ ചോദ്യം ചെയ്യാൻ അജ്ഞരായ ചിലർ ശ്രമിക്കുന്നിടത്താണ് ആരോഗ്യകരമായ ചർച്ചക്ക് പകരം അനാവശ്യ തർക്കങ്ങൾ ഉടലെടുക്കുന്നത് എന്ന് കൂടി താങ്കൾ മനസിലാക്കിയാൽ നന്നായിരുന്നു


>>ഒരു പക്ഷെ സംവാദകനും സഞ്ചാരിയും ഒരു പ്രത്യാക വിഭാഗത്തിന്‍റെ വീക്ഷണങ്ങള്‍ക്ക് വേണ്ടി വാദിക്കുന്നവരായിരിക്കാം.
ഇവിടെ കമെന്‍റ് ചെയ്യുന്ന ചില ഐഡിയില്‍ നിന്ന് സംവാദകന്‍റെ വിഭാഗം ഏതാണെന്ന് ഊഹിക്കപെടുമെങ്കിലും സഞ്ചാരിയുടെ കമെന്‍റ്ല്‍ നിന്ന്
സഞ്ചാരിയുടെ വിഭാഗത്തെ കുറിച്ച് യാതൊരു ഐഡിയയും ലഭിക്കുന്നില്ല.<<<

സംവാദകന്റെ വിഭാഗം വ്യക്തം തന്നെയാണ്.ഇമാം ശാഫിഈ(റ) അടക്കമുള്ള പൂർവസൂരികളായ ശരിക്കും ഖുർആൻ വിശദീകരിക്കാൻ യോഗ്യരായവരെ അംഗീകരിക്കാനുള്ള ഹൃദയ വിശാലത അള്ളാഹു നൽകിയ വിഭാഗം .അൽഹംദുലില്ലാഹ്…

>>ഒരാളുടെ ആത്മീയ വിജയ-പരാജയങ്ങളുടെ ഉത്തരവാദിത്വം ഉസ്താത് മാരേക്കാളും അധികം അവരവര്‍ക്ക് തന്നെയാണെന്ന് തിരിച്ചറിയുന്നവര്‍ സത്യന്വാഷണം ഓരോരുത്തരുടെയും സ്വാര്‍ത്ഥതാല്പര്യമായി കാണുകയും അതിന് വേണ്ടി ശ്രമിച്ചു കൊണ്ടിരിക്കുകയും ചെയ്യും.എന്നാല്‍,ഏകത്വ വക്താക്കളുടെ ഐക്യമില്ലായ്‌മ കണ്ട് ചില എടുത്ത് ചാട്ടക്കാര്‍ മതത്തില്‍ നിന്ന് തന്നെ അകലാനും തുടങ്ങും.<<<

ശ്രമം റൂട്ട് തെറ്റരുതെന്ന വാശിയാണ് സംവാദകൻ മുന്നോട്ട് വെക്കുന്നത്

>>>തര്‍ക്കമുള്ള വിഷയത്തില്‍ രണ്ടു വിഭാഗവും പ്രമാണങ്ങള്‍ ഉദ്ധരിക്കുമ്പോള്‍ 'അതോ' 'ഇതോ'
അഥവാ 'ഇതോ' 'അതോ' ശരി എന്ന സംശയം ഉണ്ടാകുന്നു.<<<<

അവിടെയാണ് സംവാദകൻ മുന്നോട്ട് വെച്ച പൂർവ സൂരികളുടെ പിന്തുണയുടെ പ്രസക്തി എന്ന് മനസിലാക്കിയാൽ അതോ ഇതോ എന്ന ശൈലി ഉണ്ടാവേണ്ടി വരില്ല

>>>ചര്‍ച്ചകളില്‍ രണ്ടു വിഭാഗവും അവരവരുടെ വാദത്തിനു അനുകൂലമായ പ്രമാണങ്ങള്‍
ഉദ്ധരിച്ചു കൊണ്ടെയിരിക്കുക മാത്രമേ ചെയ്യുന്നുള്ളൂ.രണ്ടിലൊരു പ്രമാണം ഖണ്ഡിക്കപെടുമ്പോള്‍ മാത്രമേ തര്‍ക്കം പരിഹരിക്കപെടുകയുള്ളൂ എന്ന വസ്തുത നിലനില്‍ക്കുമ്പോള്‍ <<<<

ന്യായ വാദി പോസ്റ്റും കമന്റുകളും വായിക്കണമെന്ന് ഒന്നു കൂടി പറയേണ്ടി വന്നതിൽ വിഷമമുണ്ട്.ഇവിടെ ഉന്നയിക്കപ്പെട്ട തെളിവുകളെ നന്നായി പോസ്റ്റുമോർട്ടം ചെയ്തിട്ടുണ്ട്.വാദിക്കാൻ വന്നവരെ നാം പിന്നെ കണ്ടിട്ടില്ല.യഥാർത്ഥത്തിൽ തർക്കം തീർന്നിരിക്കുമെന്ന് തന്നെ കരുതേണ്ടിയിരിക്കുന്നു
ഇത്രയും കാലം ചര്‍ച്ച നടത്തിയിട്ടും തര്‍ക്കങ്ങള്‍ പരിഹരിക്കപെടാത്തതില്‍
അത്ഭുതമില്ല.


continue..

Samvaadhakan|സം‌വാദകന്‍ said...

---- reply part-2 @ ന്യായവാദി

>>>ഈ ചര്‍ച്ചയില്‍ പരമാര്‍ശമുള്ള ഒരു ഉദാഹരണം പരിശോധിച്ച് നോക്കൂ.....

ഭാര്യയെ തൊട്ടാല്‍ വുളു മുറിയുമെന്നൊരു വിഭാഗവും ഇല്ലായെന്ന് മറുവിഭാഗവും
വാദിക്കുന്നു.മുറിയുമെന്ന വാദത്തിന് പ്രമാണമായി ആയത്തും ഇല്ലായെന്ന വാദത്തിന്
പ്രമാണമായി ആയിശ ബീവി(റ)യുടെ ഹദീസും ഉദ്ധരിച്ചു കൊണ്ടേയിരിക്കുന്നു.രണ്ടു
പ്രമാണങ്ങളുടെയുടെയും പ്രാമാണികത രണ്ടു കൂട്ടരും നിഷേധിക്കാത്ത സാഹചര്യത്തില്‍
തര്‍ക്കത്തിന് പരിഹാരമാവാതെ തന്നെ ചര്‍ച്ച ഇല്ലാതെയാവുന്നു.!!!!<<<

താങ്കൾ എന്താണ് പറയാൻ ശ്രമിക്കുന്നത്?

>>>ഈ സാഹചര്യത്തില്‍ പ്രമാണങ്ങളെ നിരാകരിക്കാതെ തന്നെ തര്‍ക്കങ്ങള്‍ പരിഹരിക്കാനുള്ള മാര്‍ഗത്തെ കുറിച്ച് എന്ത് കൊണ്ട് ആരും ആലോചിക്കുന്നില്ല...???.തീര്‍ച്ചയായും,സര്‍വ്വ ന്യായങ്ങളുടെയും അധിപനായ റബ്ബ് അന്യായമായി യാതൊരു മതവിധിയും മനുഷ്യന്
നല്‍കില്ലെന്ന വിശ്വസത്തിന്‍റെ അടിസ്ഥാനത്തില്‍ തര്‍ക്കമുള്ള വിഷയത്തിലെ രണ്ടു
വിധികളുടെയും ന്യായങ്ങള്‍ പരിശോധിച്ച് മതവിധിയാവാന്‍ കൂടുതല്‍ ന്യായങ്ങള്‍ ഉള്ളത്
ഏതിനാണെന്ന്(വുളു മുറിയുമെന്നതിനോ/ഇല്ലയെന്നതിനോ) കണ്ടെത്തി സ്വീകരിച്ചു കൂടെ.
ഒരു പക്ഷെ ഇമാമുമാര്‍ ആ ന്യായങ്ങളൊക്കെ പരിശോധിച്ചിട്ടുണ്ടായിരിക്കാം എന്നാല്‍ തര്‍ക്കമുള്ള സാഹചര്യത്തില്‍ ഇമാമുമാര്‍ ഇങ്ങനെയൊരു വിധി നല്‍കി എന്നതിന്പ്രസക്തിയില്ലല്ലോ.അതെ
സമയം അങ്ങനെയൊരു വിധി നല്‍കാന്‍ ഇമാമുമാര്‍ കണ്ടെത്തിയ ന്യായങ്ങള്‍ എന്തൊക്കെയായിരുന്നു,ആ ന്യായങ്ങള്‍ അടിസ്ഥാനമാക്കുന്ന തത്വം എന്താണ്,ആ തത്വം ഉള്‍കൊള്ളുന്ന പ്രമാണങ്ങള്‍(ആയത്തും ഹദീസും) ഏതൊക്കെയാണ് എന്നിവയെല്ലാം
കണ്ടെത്താന്‍ ഇമാമുമാരുടെ മാര്‍ഗത്തിലൂടെ തിരിച്ച് നടന്ന്...ന്യായങ്ങളില്‍ നിന്ന് വിധി
കണ്ടെത്തുന്നതിന് പകരം വിധിയില്‍ നിന്ന് അതിന്‍റെ ന്യായങ്ങള്‍...കണ്ടെത്തിയാല്‍ ആ 'വിധി' സംശയ രഹിതമായ അനിഷേധ്യ സത്യമായി തര്‍ക്കമില്ലാതെ എല്ലാ വിഭാഗവും
അംഗീകരിക്കും...???......
സത്യം കണ്ടെത്തുക എന്ന ലക്ഷ്യത്തോടെ എല്ലാ വിഭാഗവും ഒന്നിച്ചിരുന്നു(റോഡില്‍ അല്ല )
ചര്‍ച്ച ചെയ്‌താല്‍,കുറച്ച് സങ്കീര്‍ണമാണെങ്കില്‍ പോലും പരിഹരിക്കാവുന്ന തര്‍ക്കമേ മുസ്ലിങ്ങളുടെ ഇടയില്‍ ഉണ്ടാവുകയുള്ളൂ..അതിന് പക്ഷെ എല്ലാവരും മനസ്സ്‌ വെക്കണം... <<<<

താങ്കൾ എന്തൊക്കെയോ മനസിൽ കയറ്റിയിരിക്കുന്നു.പക്ഷെ ഒന്നും ഓർഡറിലല്ല താനും!.മുസ്ലിം ലോകത്ത് ആശാവഹമായ അഭിപ്രായ വ്യത്യാസങ്ങളാണ് മുമ്പ് ഉണ്ടായിരുന്നത്.അത് നബി(സ)യിൽ നിന്ന് നേരിട്ട് ദീൻ പഠിച്ച സഹാബികളിൽ നിന്ന് തന്നെ കണ്ടതും നബി(സ) തന്നെ അംഗീകരിച്ചതുമാണ്.അതേസമയം അനാവശ്യ വിവാദങ്ങളുണ്ടാക്കുന്നവർ പിന്നീട് വന്നത് കഷ്ടം തന്നെ എന്നേ പറയാനുള്ളൂ..
>>

സ്വയഭോഗം തികച്ചു ഹറാമാണെന്ന വാദം സംവാദകന് ഉണ്ടെന്ന് പോസ്റ്റില്‍ നിന്നോ മറ്റ് കമെന്‍റ്ല്‍ നിന്നോ മനസ്സിലാവുന്നില്ല.<<

ദേ പിന്നെയും ഇദ്ദേഹം പറഞ്ഞത് തന്നെ പറയുന്നു.സംവാദകന്റെ അഭിപ്രായം മുകളിൽ പറഞ്ഞിട്ടുണ്ട് ഇനിയും തെറ്റിദ്ധരിക്കല്ലെ അല്ലെങ്കിൽ തെറ്റിദ്ധരിപ്പിക്കല്ലെ പ്ലീസ്!
>>

എന്നാല്‍ ചില സാഹചര്യങ്ങളില്‍ സ്വയഭോഗം ഹലാലാകാം എന്ന അഭിപ്രയായം പ്രകടിപ്പിച്ചിട്ടുമുണ്ട്.<<<

ഇത് ശരിയാണോ എന്ന് ഇനിയും താങ്കൾ ചിന്തിക്കുക.

>>>അത് പോലെ സ്വയഭോഗം തികച്ചും ഹലാല്‍ എന്നത് പോയിട്ട് ഹലാല്‍ ആണെന്ന് പോലും സഞ്ചാരിയും വാദിക്കുന്നില്ല.അത് കൊണ്ട് തന്നെ സംവാദകനോട് ഞാനൊരു ഉപചോദ്യം കൂടി ചോദിക്കുന്നു.അതായത്‌,സ്വയഭോഗം തികച്ചും ഹറാം അല്ലെങ്കില്‍ പിന്നെ തികച്ചും ഹലാല്‍ എന്ന് പറയാവുന്ന ചില പ്രവര്‍ത്തികളുടെ ഉദാഹരണം ദയവ് ചെയ്തു സൂചിപ്പിക്കാമോ..?
തികച്ചും എന്ന് പറയുമ്പോള്‍ ഞാനുദ്ദേശിക്കുന്നത് സര്‍വ്വ വ്യക്തികള്‍ക്കും സര്‍വ്വ സാഹചര്യങ്ങളിലും സര്‍വ്വ കാലങ്ങളിലും എന്നാണു. <<


വിലക്കപ്പെടാത്ത ഏത് കാര്യത്തിന്റെയും അടിസ്ഥാന വിധി ഹലാൽ എന്നതാണ്.സാഹചര്യങ്ങൾക്കും സന്ദർഭത്തിനുമനുസരിച്ച് അതിൽ മറ്റു വിധികൾ വന്നു ചേരാം.എന്നാൽ സ്വയം ഭോഗം എന്നത് അങ്ങനെ സാഹചര്യ വ്യത്യാസമില്ലാതെ തെറ്റാണെന്നാണ് ഇമാം ശാഫി ഈ (റ) പറഞ്ഞത്.അത് അട്ടിമറിക്കാനാണ് ഇങ്ങനെ കഷ്ടപ്പെട്ടതെങ്കിൽ സംവാദകൻ അത് തിരിച്ചറിഞ്ഞിരിക്കുന്നു എന്ന് പറയാനേ സംവാദകനു നിവ്ര്‌ത്തിയുള്ളൂ

ന്യായവാദി said...

വുളു മുറിയുന്നത് ഇവിടുത്തെ ചര്‍ച്ചാ വിഷയമായി ഞാന്‍ കരുതിയിട്ടില്ല.രണ്ട് അഭിപ്രായം ഉള്ള വിഷയം ഷാഫിഇ മദ് ഹബില്‍ തന്നെ ഉണ്ട് എന്ന് സൂചിപ്പിക്കാന്‍ വേണ്ടി സഞ്ചാരി ഈ വിഷയം ഒരു ഉപമയായി ഉപയോഗിച്ചതായിരിക്കുമെന്നാണ്‌ ഞാന്‍ മനസ്സിലാക്കുന്നത്.
ഇനിയിതല്ലാതെ മറ്റ് വല്ല ഉദ്ദേശവും സഞ്ചാരിക്ക് ഉണ്ടായിരുന്നോ എന്ന് അറിയില്ല.

എന്നാല്‍,പരിഹരിക്കപെടാത്ത തര്‍ക്കങ്ങള്‍ക്കുള്ള ഉദാഹരമായാണ് ഞാന്‍ ഈ വിഷയത്തെ എന്‍റെ കമെന്റില്‍ സൂചിപ്പിച്ചത്.

അതായത്‌,ലോക ഗുരുവായ പ്രവാചക തിരുമേനി നിസ്ക്കരിക്കാന്‍ വേണ്ടി പള്ളിയില്‍ പോകുമ്പോള്‍,തന്നെ ചുംബിക്കാറുണ്ടായിരുന്നെന്ന് ആശയം വരുന്നതും ആയിശാ ബീവി(റ) റിപ്പോര്‍ട്ട് ചെയ്യപ്പെട്ടതുമായ ഒരു ഹദീസായിരുന്നു ഭാര്യയെ തൊട്ടാല്‍ വുളു മുറിയില്ലെന്ന വാദത്തിന് തെളിവായി ഉദ്ധരിക്കപ്പെടുന്നതായി ഞാന്‍ മനസ്സിലാക്കിയിരുന്നത്.ഇതോടപ്പം തന്നെ ആയിശ ബീവി(റ)യുടെ മുഖത്ത് മുണ്ടിട്ടിട്ടായിരുന്നോ നബി(സ.അ) ചുംബിച്ചിരുന്നതെന്ന കളിയാക്കലും കേള്‍ക്കാറുണ്ട്.

വുളു മുറിയില്ലെന്ന വാദത്തിന്‍റെ തെളിവ്‌ ഇതാണെങ്കില്‍ മുറിയുമെന്ന വാദക്കാര്‍ ചെയ്യേണ്ടത് ഈ ഹദീസിന്‍റെ ആധികാരികതയെ നിഷേധിക്കുകയോ അതെല്ലെങ്കില്‍ ഈ ഹദീസിനെ ഖണ്ഡിക്കുകയോ(തര്‍ക്ക വിഷയത്തിന് തെളിവല്ലെന്ന് സ്ഥാപിക്കുക)ആണ്.
അത് ചെയ്യാതെ അതിന് പകരം വുളു മുറിയുമെന്ന വാദത്തിന് ഒരു ആയത്ത് തെളിവായി കൊണ്ട് വരുകയാണ് ഇവിടെ ചെയ്യുന്നത്.അപ്പോള്‍ മറ്റേ കൂട്ടര്‍ പറയുക,വിഷയത്തില്‍ വ്യക്തതയുള്ള വിധി പ്രസ്തുത ആയത്തില്‍ നിന്ന് ലഭിക്കുന്നില്ലെന്നായിരിക്കും.അതിന്‍റെ മറു വാദമായി പിന്നെ മുറിയുമെന്ന വാദക്കാര്‍ പറയുക ,ഇസ്ലാമിക വൈജ്ഞാനിക ലോകത്തില്‍ പ്രാമാണിത്വമുള്ള ഷാഫിഇ ഇമാം പ്രസ്തുത ആയത്തില്‍ നിന്ന് വുളു മുറിയുമെന്നു തെളിവ്‌ പിടിച്ചു എന്നതായിരിക്കാം.അപ്പോള്‍ വുളു മുറിയില്ലെന്ന വാദക്കാരുടെ പ്രതിവാദം ഇസ്ലാമില്‍ ഷാഫിഇ(റ)നെക്കാളും മുകളിലാണ് സഹാബത്തും അവരില്‍ നിന്ന് റിപ്പോര്‍ട്ട് ചെയ്യപെട്ട ഹദീസും എന്നായിരിക്കും.അങ്ങനെ രണ്ടു കൂട്ടരും അപ്പുറവും ഇപ്പുറവും നിന്ന് അവരവരുടെ പ്രമാണങ്ങള്‍ ഉദ്ധരിച്ച്‌ കൊണ്ടിരിക്കുക മാത്രമേ ചെയ്യുന്നുള്ളൂ..

ഇങ്ങനെയാണ് തര്‍ക്കത്തിന് പരിഹാരമാകാതെ തന്നെ സംവാദം സംഹരിക്കപെടുന്നത്!!!

(വുളു മുറിയുമെന്ന് തന്നെയാണ് ഞാനും മനസ്സിലാക്കുന്നത്)

ന്യായവാദി said...

ആ തറയിൽ നിന്ന് കൊണ്ട് എത്ര പഠിച്ചാലും ഒരു കുഴപ്പവും വരില്ല.ഗുരുമുഖം വിട്ട് ഏട്ടിൽ കാണുന്നതൊക്കെ വിഴുങ്ങാൻ ശ്രമിക്കുന്നവർ പരിഭ്രാന്തരാവുന്നത് സ്വാഭാവികം മാത്രം!
.>>>

ഗുരുവിനെ കുറിച്ചോ ഗുരുത്വ ബന്ധത്തെ കുറിച്ചോ എനിക്കും സംശയമൊന്നുമില്ല.എന്നാല്‍ ഇവിടെ അജ്ഞരായ ചിലര്‍ ചോദ്യം ചെയ്യുമ്പോള്‍ അവരുടെ അജ്ഞത അവരെ ബോധ്യപ്പെടുത്താന്‍ ഗുരുപരമ്പരയ്ക്ക് കഴിയുന്നില്ലെന്നും അത് കൊണ്ടാവാം തര്‍ക്കം പരിഹരിക്കപെടാതെ മുസ്ലിങ്ങള്‍ പല വിഭാഗങ്ങളായി തന്നെ ഇപ്പോഴും നിലനില്‍ക്കുന്നതുമാണ് ഞാന്‍ ഉദ്ദേശിച്ചത്.ആ തര്‍ക്കങ്ങള്‍ പരിഹരിക്കാന്‍ ഗുരുവിന്‍റെ മാര്‍ഗങ്ങള്‍ തന്നെ പിന്തുടരാം എന്നും ഞാന്‍ സൂചിപ്പിച്ചിരുന്നു.

ന്യായവാദി said...

....പിന്നെ എട്ടില്‍ കാണുന്നത് ഞാന്‍ വിഴുങ്ങുകയാണോ ഭൂജിക്കുകയാണോ എന്ന കാര്യം ഇവിടെ പ്രസക്തമാകുന്നില്ല,അത് കൊണ്ടാണ് അത് വിട്ടുകളഞ്ഞത്.
മോഡറേഷന്‍ ഉള്ളത് കൊണ്ട് തല്‍ക്കാലം നിര്‍ത്തുന്നു.

APK PLUS said...

പത്ത് ലക്ഷത്തിലധികം ഹദീസ്‌ മനപ്പാടമുള്ള ശാഫി ഇമാം അങ്ങിനെ പറഞ്ഞെങ്കില്‍ 50,000 ല്‍ താഴെ ഹദീസ്‌ ലഭ്യമായ ഈ കാലത്ത്‌ ആ ഹദീസുകളില്‍ നോക്കി സ്വഹാബത് അങ്ങിനെ ചെയ്തിട്ടുണ്ടോ എന്ന് നോക്കുന്നതിനെക്കാള്‍ നല്ലത് ശാഫി ഇമാം പറഞ്ഞത്‌ കേള്‍ക്കലാണ്.. ആശംസകള്‍

മുക്കുവന്‍ said...

പിന്നീട് പുര കത്തുമ്പോൾ വാഴ വെട്ടാനായി 'മുക്കുവൻ' ഒരു ശ്രമം നടത്തി.???

ആടിനെ പട്ടിയാക്കാന്‍ ശ്രമം നടത്തുന്നതാരാണാവോ?

റൈന്‍സാദു് said...

ഞാന്‍ അന്‍സാറിനോട് ചോദിച്ച ചോദ്യങ്ങളും അതിനുള്ള കമന്‍റും ഇതുവരെയും പ്രസിദ്ധീകരിചിട്ടില്ല മാത്രമല്ല സംവദനം നടത്തിയ ദീര്മായ ഈ ചര്‍ച്ചയുടെ ലിങ്കും ഞാന്‍ അയച്ചു കൊടുത്തു ബട്ട്‌ നോ രക്ഷ - തികച്ചും മാന്യമായി നടത്തിയ പോരാട്ടം ഏറെ പ്രശംസനീയമാണ് അള്ളാഹു ആ കഴിവും കരുതും കൂടുതല്‍ കരുത്തോടെ നിങ്ങളെ പോലുള്ള എഴുത്തുകാര്‍ക്ക് കൂടുതല്‍ ഇസ്സതോ ടെ നല്‍കി അനുഗ്രഹിക്കട്ടെ - അഞ്ജത കാരണം എനിക്ക് എഴുതാന്‍ അറിയില്ല എങ്കിലും നിങ്ങള്ക്ക് പിന്നില്‍ പൂര്‍ണ പിന്തുണയായി ഞങ്ങള്‍ ഉണ്ടാകും അള്ളാഹു അനുഗ്രഹിക്കട്ടെ ആമീന്‍

Samvaadhakan|സം‌വാദകന്‍ said...

പ്രിയ വായനക്കാരേ, ചില വ്യക്തിപരമായ വിഷയങ്ങളാലും മറ്റ് ചില സാങ്കേതിക കാരണങ്ങളാലും ബ്ലോഗിൽ വരാനോ കമന്റുകൾ നോക്കാനോ കഴിഞ്ഞിരുന്നില്ല. ഇപ്പോൾ സംവാദകൻ വീണ്ടും ഇടപെടുകയാണ് മറ്റൊരു ബ്ലോഗ് മുഫ്തിയുടെ പോസ്റ്റിനു മറുപടിയുമായി. ഇവിടെ ക്ലിക് ചെയ്ത് വായിക്കുക